SPECIAL ASSEMBLY | 15.3.1997

Innpi Vaisai liente:

Speaker : Pu Thangkhenkhup
Recording Secretaries : Pu Thangchinsuan leh Pu T. Nehkhojang

Palai peikhawm 135 apha hi. Tami nia apeisa Assembly leh tunitan sung a ang na shisantate mi 21 suunna nei ahi.

Zinglam Nai 10 in Vaihawmna pat ahi. Peter Kammang in thumna a nei zou in hun pat ahiata hi.

President in Assembly Address a bawl hi. Department chin apat report ngaikhiet ahi. Tualeh Block chin a kipat in zong report ngaikhiet ahi.

Discussion & Resolutions:

Pu Thangkhenkhup in Zou Hausate’n UZO a diing in gam behkhat chiet hing pie uhenlen, tuamunte ah huon/singnou kisuonleh chi ang puohkhiet khu sawttah ngaituo ahinua in Tami sai diing in Sub-Committee khat siemkhiet ahia, Chairman diing in Pu Thangkhenkhup, Secretary diing in Pu Kamchinthang, M.A. guot ahi uhi.

Constitution Drafting Committee in hing enthakia in Assembly ah hing polutta uhen chia phasah ahi.

Zougaal Hall Furniture meikahte (Iron Chair) siemtha hihenlen, Touna zawnsau 100 Lamka Block in hing tuoh in June hasung ngei a subuching diing a phasah ahi.

I gamsung a sanginnte (Schools) siemphatna diing toh kisai a One man Commission siemkhiet ahia, Tv. Kamchinthang M.A. in tam mawpuohna la in gamsung pumpi hing tuonsuohta hen chia phasah ahi.

MLR & LR Act Singtaang gam a lutsahlou diing a panlah diing a phasah ahi.

Tulaitah dinmun a eima nam chiet kivaihawm i hi chieng in midang koima’n Zou sung ah donsuh-dontou hing bawldata uhen chia phasah ahia, theisahna/ ngetna hawm diing a phasah ahi.

Zou Nampi kisiani toh kisai pen Executive in Hattuom pawlpi tuomtuomte toh hing saita uhen chia phasah ahi.

MLA By-Election a Singngat A/C a UZO Candidate diing in mi ni Pu T. Nehkhojang leh Pu Thangkhanlal in ngetna lai pie uhi. Amautegel kihoutuohsah ahinua in Pu Thangkahanlal pawlpi Candidate hidiing a phasah ahi.

UZO leh TPO kikaal thu genkhawm ahia, annkuong imkhawm a thupuasah bang in Identity Card leh tribe Certificate leh Kam suina ah Zou min zah chiet phasaah ahia, Apeisa hun a kilungawilouna zousie kingaidaamtuoh ahita hi.

Assembly hunkhahna in Rev. Awnkhankhup in thumna nei in tam Special Assembly khah ahita hi.

Executive Committee-23.4.97

Zougaal Haal ah Meeting nei ahia, Rev. David K. Samte in thumna nei in hun pat ahi. Member 32 peikhawm hi.

Tam meeting in a sai thupomawte :

Tukum 1997 a Zou Nampi thumkhawmna nei diing lemsah ahia, Rev. David K. Samte leh Rev. Awnkhankhup in hing sai uhen chia phasah ahi.

Executive Committee-19.7.97

Churachandpur sung a nam kaal buoina suhbeina diing a, Zomi leh Kuki kikaal alemna suoi dated 18/7/1997 nia lemna suoi abawl uh kipahpi ahi.

Executive Committtee-5.2.1998

Pu Thangkhanlal inn, Zouveng ah Meeting nei ahia, Pu P. Lunchinthang in thumna nei in hunpat ahita hi. Tami Meeting a thukisaipi pen ahileh Singngat A/C a MLA By-election a UZO Candiate Pu Thangkhanlal pen ki withdraw diing a vauhil a, a umna thu ahi hi. Sawtpi genkhawm ahinua in By-election a dinsuoh diing a phasah ahi.

Executive Commitee-8.4.1998

Zougaal Hall ah meeting nei ahia, hunpatna diing in Pu Khupkhanhau, Chief of Singngat in thumna nei hi. Member 43 peikhawm hi.

Thupauasah poimawdiehte:

UZO Office mun diing khat lei kisawm in tuami hing mawpaw diing in Pu Thangchinsuan General Secreatry leh Pu T. Nehkhojang Joint Secretary ngansie ahi uhi.

Temporary Office khat nei lemsah ahi bang in, Amun diing in Zomi Colony a um Pu Hangkhanlian inn hi diing a phasah ahi. Pu Thangkhanlal in Office Bahara leh Office Assistant halaw kum khat sung ka tuoh diing a chi thu memberte’n kipahpi ahi.

Churachandpur buoina a Zouta shite Ex-gratia ngaituo diing in Sub- Committee siemkhiet ahia, Pu Liantungnung, Pu Lamboi Pu Lianminthang, Pu T. Gouzalal leh Pu T. Nehkhojang guot ahi.

Tutung By-election a UZO President Pu Thangkhanlal ang chin pen nasapi a kipahpi ahia, ei hing panpi pawlpi tuomtuomte tung ah zong lungdamthu tut ahi. Pawlpi deina bang a na peitheiloute zong ngaidamna bawm a khumlut sieng ahita hi.

——————————————————————

UZO PRESIDENT PU THANGKHANLAI DAMLOU MUMBAI AH

I it mama leh i ngai mama uh Pu Lal pen UZO President kum 28 vingveng Pawlpi President kizom a ang puohsah ban ah MLA li (4) vei a kai a, Manipur genlou India phuolpi kumpi theiphah lamkai khat ahi hi. Tahsa damlouna ang nei akipat in Hospital tuomtuom ah etkol a um hi. Atawp in J.N. Hospital a Zatoute’n Mumbai a, a sawl jieh un ama zong lam-etna lienpi toh Mumbai ah kizen diing in kuon hi. A kuon ni diing 13/11/98 ni in Pu Thangchinsuan General Secretary, UZo in J.N. Hospital ah vakimupi hi. Tuamiun ah Pu Lal in “Kei Mumbai ah kizen a haw diing ka hi. Ka umlou kaal a diing in Pu Thangkhenkhup in President na tu hen” chi in laigiel in Pu Thangchinsuan khut ah ap hi. A kihouna ua Pu Lal thugen nukhia pen ahileh “Mumbai apat ka’ng tunkia chieng in Committee lienpi khat neivai” chi ahi hi.

Tambang thu a genlai in Pu Thangchinsuan General Secretry pen ahi-anap toh kitehta hi. Secretarypu in President laigel dungzui in tambang in Order khat suokhiet ahi:

ORDER

No.49/UZO/INCH/96 Dated 14/11/98 UZO Constitution Bawng III Khiil (5) Article 57 a President thaneina kipie dungzui in, President in a umlou (Absence) sung a President na na sem diing in Pu Thangkhenkhup, Vice President, UAZo mawpuohna a pie hi. Tam Order dated 15.11.1998 Thursday ni apat zah ahipai diing hi”. chi’n Geneal secretary in 14/11/1998 ni in Order khat suo hi.

President, Pu Lal pen 19/11/98 Ningani in Mumbai tung hi. 20/11/98 kitawldam in a zingni 21/11/98 in J.J. Hospital ah admit ahi hi. 22/11/98 Nipini/Pasianni zanlam nai 7:15 in a it, a ngai a zi leh tate leh a mi-asateng ang nuasieta hi. Ama umlou thu thei ahitah in Zougam pumpi khomiel toh akibangmaita hi.

Executive Emergency Meetiing

Pu Thangkhanlal, President in ang beisantah jieh in Zomi Colony a um UZO Office ah ZWC leh mipoimaw phabep in meeting kinei hi. Pu T. Nehkhojang in thumna nei in hun pat ahita hi.
Tam meeting thusaite:

Pu Thangkhanlal in UZO President 28 vingveng kizom a hing puosah a, tua hun sung ma in MLA zong livei a ching hi. Gam nam a dia a nasep bangkhaite leh sep diingte semzom theitalou ban ah MLA hun (Term) zong beinailoupia ang peisantahmai pen ngaisutna/lungtang nasatah in nasah a, Zousung ah mitzin tung bang vawt hi. Tua ahijieh in Ama it leh suunna Zou innsuon in Nampuon a khaina khuom/chieng kimkhat tan a khaingiem in ni 28 sung tah/khai diing in phasah ahi. Ama suunna thu Thusuote a zong suo diing lemsah ahi.

Contitution Bawng II Khiil (5) Article 57 na bang in Pu Thangkhenkhup, Vice President in dated 23/11/98 zinglam nai 7 apat in UZO President hina a luota hi. Tuachi in thutha um masangsie President nasep diing teng a sem diing hi chi ahi hi.

Hun khahna diing in Pu Thangchinsuan, General Secretary in thumna nei in meeting khah ahita hi.

——————————————————————

Pu Thangkhanlal President UZO vaidawnna Tulihal Airport

Date 23/11/98 nitahlam nai 2 in Pu Lal luong a zi leh a tapa Chinlunthang toh ang tung hi. Tuanah mipi tamipitah in vaidawnna na kinei hi. Manipur C.M. lamkaina in Congress Bhavan ah pawlut masa pen in tuanah Congress Diellap in a luong a tuom uhi. Tuazou in Circuit House, Imphal a pui in um a, tam mun ah ama zana in Sepai 10 in khatvei thu in thau lawng 10 a kap ban uah Pengkuul zong mut uhi.

Nitahlam nai 3:30 in Lamka kizuon hi. Date 23-24/11/1998 sung teng Zouveng ama inn ah khawldam in azingni dated 25 ni in Hiangtam khuo zuon hi. Lamkaal Zou kho chin ah ama vaidawnna thupitah na um denkeei hi. Nitahlam nai 7 in Hiangtam kitungkimthei pan hi.

Avuini 25/11/1998

Thugenna leh vaihahna thugen tuomtuomte baan ah Pu T. Hangkhanpao in thugenna a neizou in Puonuoithau (Pistol) guhvei kapging in hahna nei hi. Haan lam zuon a peina ah Pastorte leh Upate a luong masang pei in UZO Executive memberte, leh Hausate in a Kuong puo in, a innkuonpite leh mipi in a nua kizui a, inn apat Haan tan dong in pahkhi kithe tungsuoh hi.

Haan ah

Pu Thangkhenkhup, President (Acting) UZO haan tung ah thugenna nukhia tambang in nei hi : “Pu Thangkhanlal, President, UZO hun sawtpi apan tunitan na hing puihuoina tung ah kipah mama ung. na mipite na hing nuasieta a, mabaan ka theitawp un ka hing zuun diing uhi. Lunghimawloukei a peita diing in keima Thangkhenkhup, Acting President UZO in tuni tu hun in ka hing hakheta hi”

Kiminsielna

Pu Thangchinsuan, General Secretary UZO in Pu Lal luongtung ah tambang in kiminsielna nei hi : “Pu Lal, Tarik 13/11/98 nia hing haw in na chia, ka hing haw a, Vice President pu Incharge na piehna Note Sheet na gelzou a, kang tun chieng in Committee lienpi khat bawlvai na chi, bang diing a na hing sol e? Tami hivenmaw, na Committee lien! Kei ka lungdamlou hi, Pu Lal.

Tuni’n na pilnateng hei a na koitah e? Na haatnateng heisung a na phuolmang? Phaipi’n hing tuu, hing tuula, Mumbai in hing tuu, hing tuula, na sin ka tuh ka tuhla, na lung ka tuh ka tuhla, na pumpi ka tuh ka tuuhla, President Jubilee a na Thansuo, MLA a na Thansuo, Minister a na Thansuoh, sum-le-pai a na thansuoh, lawm-le-pai a na Thansuoh mi pu’n na pu phalou, mipa’n na pa phalou mite’n nangma hing phalou, zauvawtsuo, na Sai-ai na masuon aw! I pu leh pate tha Humpi, Zaangsiel na masuon aw! Vompi, Ngaltang masuon aw!

Phamsa thelbang thou aw! Na naamtem tawi tuolkhie chie! luonhinu’n na suul zui e! Gibang i khenna hi e! I Kawlchieng gin na ngai aw!” chia Thau a kapleh, mipi’n Salute bawl in Hausate leh Thautawi dangte’n zong Thau a kap uhi. Thau kikap mawngmawng lawng 30 ahi hi. Taamteng zou in Rev. Hangpi Manlun in nitahlam nai 3 in Pasian min toh vuina a nei hi.

Pu Lal gaalna

Dated 19/12/1998 ni in UZO Executive Committee in pu Lal gaalna leh a innkuonte sietvena in Zouveng a inn ah Voh Tuuhnga khat that in annkuong impina kinei hi.

——————————————————————

Executive Committee-20.1.1999

UZO Office Zouveng ah meeting nei ahia, member peikhawm tam anuoiate ahi:

Pu T. Ginzamang, Secy. Imphal Block
Pu Amchinkam, Secretary, Home
Pu T. Kaizalpkham,
President, Tuila Block.
Pu T. Nengzagin, Tuining Block
Pu Sianzadong,
President, Behiang Block
Pu Khamchinzam,
President, Lentang Block
Pu Khaichinmang,Secretary, Census
Pu Lianminthang,
President Haupi Block
Pu T. Khupdoukhen,
Secretary, Behieng Block.
Pu Kapneithang, President, ZSP
Pu S. Dalthang, Secretary, Lamka Block
Pu P. Vungzagin, E.C. Member
Pu Ginzakhup, Secy. Kailamnuoi Block
Pu Thawngsuan, Secretary, S/Block
Pu Thangngaimang, EC. Membewr
Pu Hauchinkap, EC Member
Pu Nengchinmang, EC Member
Pu Liantungnung, Asst. Secy. Culture
Pu Chinminthang, Secy. Lentang Block
Pu Chinkhanmang, Secy. Chandel Block
Pu Khupchinmang, President, CD/Block
Pu L. Khamliankhup, Secretary, Youth
Pu J.K. Taithul, President, Kailam Block
Pu T. gouzalal, President, Lamka Block
Pu P. Chinzakhup, Treasurer, UZO
Pu Thongzadou, F/Secretary, UZO
Pu T. Nehkhojang, Joint Secy. UZO
Pu Vumchinkhup, Chairman, Culture
Pu Sub- Tutkhothang, Adviser, UZO
Pu Dongchinmang, Sec. Tuila Block
Pu Douzakap, Invitee
Pu Manglianthang, Imphal Block
Pu Khuplianpau, V/Commander.
Pu Dongzalam, Secretary, Culture
Pu Khupsuanpau, EC Member
Pu Lunkhoneh, EC Member
Pu T. Lamkhothawng, President, ZYO
Pu Ginenthang, President, G/Block
Pu Thanghaupau, Secretary, G/Block
Pu Haunou, Invittee
Pu Upa Chinkham, EC Member
Pu Haumang, Secretary, Haupi Block
Pu Haukholian, President, S/Block
Pu Thangchinsuan, Gen. Secretary
Pu Thangkhenkhup, President.

Meeting thusai poimawdiehte:

Pu Khupchinmang, President Chandel Block in Block Vice President diing in Pu Manglianthang hing guon pieh un chia a nget khu gambuoinate lunggelna toh Daan bang a hitheilou hinanleh a nget bang a pompieh ahia, Assembly ah puohlut dia phasah ahi.

Vice President diing Candidate mi thum- Pu Ginzamang, Pu Hauchinkap leh Pu Amchinkam umte lah ah Pu Ginzamang teelching ahia, Assembly masapen a namdet diing a phasah ahi ban ah tuani mama in President Pu Thangkhenkhup in gin-umna thuchiem neisah pai hi.

——————————————————————

GENERAL ASSEMBLY 5-8 May, 1999

Tunkimzaan Kimandan:

Speaker : Pu Ginzamang
Recording : Pu T. Nehkhojang

Mipi in UZO Lapi Semguo ginngai a kisahzou in Rev. Khamthang in thumna nei in hunpat ahi. Speaker in UZO headquarter apat nawkhietna Order thumte simkhietna a neizou in Pu Thangchinsuan, General Secretary in Welcome address a bawl a, copy zong hawmkhiet ahi hi. Tuazou in Speaker in VIPs mipi mai ah meelthaa laana nei hi. Tami zaw in Pu Nengchinmang, Chief of tuining village in thugenna a nei hi. Atawpna pen in Block chin lamkaite apat report ngaikhiet ahi.

Vaihawmni:

UZO Uliente:

Pu Thangkhenkhup, President
Pu Manglianthang, Vice President
Pu Thangchinsuan, General Secretary
Pu T. Nehkhojang, Joint Secretary
Speaker Pu Ginzaman
Recording Secretaries :
Pu S. Kaikhankap leh Pu Mangkhankhai

Suun nai 12 lien in Vaihawmna patna diing in Pu Thangkhenkhup, President in Nampi Puolap khaiphal in tua toh kituoh in lungsim phongtah mai Pengkuul mut ging ahia, mipi ding in UZO Lapi kisa hi. Palai peikhawm 248 ahi hi. Tamtengzou in Fr. Mark Thangkhan-ai in thumna nei hi. Speaker in UZO Thuginpi sim in palaite’n kizui in innpi ah ki-apkhietna nei ahi.

Suunna:

Assembly nukhia pen leh tuni tan a hing beisantate (Mi 150) min Speaker in ang simkhietzou in amaute suunna in mipi daidide in minute 2 kiding hi.

Presidential Address

Pu Speaker,

Zatat um,

It leh ngai, gin-umtahte, Asembly memberte, Hausa Upa, Biehna lamakaite, Zoumipi leh i nampi kivaihawmna a, bawl diing leh sep diing tampi taisan a, thaa-le-zung kisitlou a, i nampi ngainatna jieh a i kikhaikhawmna United Zomi Organisation 49th General Assembly mang diing a, hing peikhawm Zoumipite, i bieh uh Pasian min leh UZO min in chibai ka hing buh hi. Tualeh, UZO General Asembly lawchingsahtu i Pa Pasian guolzou Mangpa patawi in umtahen.

UZO Preamble (Thuginpi) : Kou Zou mite in ka pu ka pate uh tawndan leh haam-le-pau, ka Zoulai uh kemhoitou zel a, Biehna kisuhsietsahlou a, be-le-phung thu a vaihawmlou a, atamzaw lamlam deina a vaihawm hizaw in leh; genthei-liengvai, nopni-dani a kikemtou zel diing in Pawlpi (Party) khat a, kikhaikhawm in “United Zomi Organisation” ka kichi uhi.

Tuni Gangpi Ha ni sawmni-le-nikuo, kum tulkhat zakuo leh sawmsagi ni a ka kumtawp khawmpi uah, kouma zahchiet ngei diing in kouma leh kouma ka kipeta uhi.

I Pu uh Thangkhanlal lamkaina in United Zomi Organisation i nampi sung ah kum tampitah i semkhawmta uhi. I Pu Thangkhanlal in ang napuihuoisiem leh i Zounampi it leh ngaina, midihtat leh mimuon um, mihuoihamlou, ei Zoutate a diing ahiphotleh, ama diing geellou, mi lungsietsiem leh hounop, ana hina tung ah, kum 28 vingveng UZO President in i na pangsah uhi. Ama tung ah Zou sung a mi koima phunnawi leh lungkimlou umlou in Silver Jubilee tanpha i na lop nua in lamkai dih leh hoi ahijieh in athaa-azung leh ahina tanpha itlou in, i nampi President hina toh 1996 election apat in kum thum (3) a hing na vaihawmpi nalai hi. UZO sung a, a sepna leh a tha-le-zung sitlou a, a gimnate, bangchihchiengtan a zong mangngillou diing in i kipahna leh i lungdam thu ei Assembly memeberte leh Zou mipite in i pung uhi. I it mama uh Pu Thangkhanlal in vangsiet-huoitah in a it a Zoumipite dated 22/11/1998 nitah nai 7:30 in Mangpa Pasian kung ah ang khawldamsanta hi. I da mama ua, i dana uh avelvel in i puong sawnsawn uhi. Pu Thangkhanlal a hagau Pasian kung ah khawldamta diing in i lam-en ua, Pasian kung ah i ngen uhi.

UZO Vice President in President mun luota:

United Zomi Organisation Constitution Bawng III Khiil (5) Article 57 a thuneina dungzui in dated 23/11/1998 zinglam nai 7 in UZO President hun vatnalaiteng, General Election ummasangsie pawtou diing in keima Shri Thangkhenkhup, Vice President UZO in UZO President hina mun ka luota hi. UZO Assembly memberte leh Zou mipite ka hing theisah hi.

UZO Vice President : Vice President mun awng hu diing in Dated 20.1.99 in Executive Committee in teelna nei ahia, Pu Ginzamang teelching ahita hi. Ama’n Term umnalaiteng a pawtou diing hi. Tualeh Executivee phasah No.1 dated 20/1/99 bang in Chandel District UZO Block ngetna bang in UZO Vice President ni nei hoi kiasa in ahun (Term) vatteng paw diing in, Pu Manglienthang UZO General Election ummasangsie paw diing in UZO Vice President khat a Nominate ahita hi. Assembly Memberte leh Zou mipite kung ah PU Ginzamang leh Pu Manglienthang UZO Vice President ahina uh ka hing theisah hi.

Tutung Buoina ah:

Tutung nam leh nam kaal a buoina jieh in shi-le-man tuoh tampi in um ua, tualeh inn-le-lou kaang tampizong i uma ua, inn-le-lou taisan tampi zong i um uh chi i theichiet uhi. Buoina tuohte panpina a tha-le-zung sengte zousie leh nei-le-lam a pangte zousie tung ah lungdam thu i tut uhi. I Pawlpi a diing a sem i hi chi i theichiet diing uhi.

——————————————————————

Peace Accord :

Tutung 1997-98, nam leh nam kikaal a buoina umna tung ah Public Leaderte, Manipur Kumpi, adieh in Zomi Council leh KUki Innpi lunglet jieh leh Tangvalte in i gam a diing a thupi a khuolna jieh ua Peace Accord Dated 1.10.198 nia Signed a, ang um thei jieh in Ei UZO in lungdam thu i puong uhi. I unaute un tam Accord dungzui a lungsim hing liensah touzel diing i ngen uhi. Lemna a umtah jieh in Zouta koipou in i Khuo zuonchiet diing in i kitheisah uhi.

Sumdan-paidon thu leh Grouping thu

Tam tungtaang ah UZo in Manipur umpi ah zong Memorandum kipie hi. UZO lamkaite in Lamkai tuomtuom kimupi zel in Press Release zong kibawl zel hi.

Be-le-phung

United Zomi Organisation sung ah Be leh Politics sailou diing ahi.

UZO Sung a Laisiemte

UZO sung a laisiemte’n i nampi khantouna diing in, Kumpi a panmun saang in pan sawmchietvai. UZo sung a khantouna diing in mimal khantouna angaimasa hi.

UZO sung a politic sai a, eima mimal ngaidan peipi a, pawlpi tmzawte haihawmna nanielkal gige a, pawltuomtuom bawllete hi, ei ZOu tate diing hi ei Zou tate diing in khantou nahsang in manna lienpi ahi.

Atamzawte deina bang a, UZO pawlpi kivaihawm zel ahi chi theichietvai. Officer lienpi khat in na panmgtalei, Zou tate tampi i panpitheizaw diing ua, UZO panpi lienpente i hizaw diing uhi.

UZO Senior Lamkaite dmlou diing : Ei sung a i theisiemlou khat uh ahileh, Lamkaite dem hi, nop i sah leh i hobby dan un i ngai ua, i lamkaite i genmsiet laisie, ei-le-ei kitawlem i hi chi theichietvai. Theory hi anuom mama a, practical hi ahasa mama hi. Agen anuom a, asep ahasa mama hi chi theichietvai. Baisam deu in mi’n damsung a, a sep ni khat in lah sawm sihvai.

Biehna leh Politics: Biehna leh politics kikim a peikhawm a ngai hi. Biehna lam a lamkaite hi in, politics lam a lamkaite hitaleh i kidem ua, i kigensiettuo uleh, koima diing in khantouna umlou diing ahi. UZo sung a Hattuom umteng khentuom-paituom UZO in a neisih hi chi ka hing theisah hi.I gam khantoutheina diing in, Zomi Sangnaupang Pawlpi, Zomi Youth Organisation leh UZO lamkaite’nBiehna lam ah theitawpsuo in panla chietvai. Tuachi in Pasian nam a nei i hi diing uhi. Tualeh i nampi khaikhawmtu i lamkaite hattuom chinteng in thumna ah thei gigevai chi UZO min in ka hing ngen hi. UZO in biehnalam zong pumkhat a umkhawm diing hoi a kisa hi.

UZO Policy leh Programme

UZO Pawlpi pen lungneemtah leh lungsiengthou, tualeh nam leh nam kaal a sietna deilou, party a hi. Tualeh namdangte policy leh programme daalna bangma a kineisih hi. UZO in Zou tate bitna, damtheina leh khantouna diing in pawltuomtuom toh kipawlkhawm zong atup leh policy ahi.

Date 23-11-98 apat tunitan 5-5-99 UZO President ka puohsung a i nasep uh:

(i) Pu Thangkhanlal Gaalna: Pu Lal hi a kingaina mama a, i theisa bang un i pawlpi in bangma kiningchingtah a neilou jieh in deibang in bangma kibawlzoulou hi. A innkuonpite Vohtal khat in annkuong impina a kinei a, Zou Puonlaisan khat zong a kipie hi. Tualeh muolbawl chieng a Siel khat a pang diing in Executive Committee in lem na kisa hi.

(ii) Suongphum Cassette honna : Pu Lal theizingna Nampi Suongphum kichi Cassette hon ahita hi.

(iii) Zougaal Hall ah Pu Siehzathang Lamkaina in Zoulai (Zou Script) honna thuputah in akinei hi. Tualeh UZO in Copy 100 Dangka Rs. 1000/- kilei in Churachandpur a namteng President-te Copy nga chiet kipie hi. Zoulai kepna diing leh masawnna theina diing in UZO in pan kila hi.

(iv) Kullian leh M. Lunmuol : Kullian leh M. Lunmuolte kikaal ah gam thu a buoina neuneu khat a um a, UZO in innsung thu in kilemna siemsah ahia, amau gamneitegeel lunsim let jieh a, piengthei ahi jieh in atung uah UZO in kipshthu s puong hi. Pasian in guolzawl tuohta hen.

(v) Zomi Namni 20/2/99 : Lamka Ground ah Zomi namni thupitah a lop ahia, anuom mama a, mi a siing a sim kikhawm hi. Tuaban ah ei Zou sung ah zong- Singngat lam, Tuining, Gunpang leh Sachih Block leh mun khenkhat ah zong thupitah a lop ahi. Damtah a Zomi namni thupitah leh lawchingtah a i lopthei jieh un kipahthu i puong uhi.

(VI) Geltui leh Tanglian : Geltui khuo ah zong naupang leh naupang kikaal ah buoina na piengkha a, khummun ah UZO leh TPO in pan kilaa in lemna a kisiem hi. Kipah umtah in alang-alang lunsim let jieh in leh Pasian huna toh lemna kisiemzou hi. UZO sung ah amau khonigel bang a lungsimlien hichiet diing in ka hing ngen hi. Pasian in tam khotegel guolzawlta hen.

Mabaan a sep diingte

(i) Zou Culture (Zou Tawndan): Zou Tawndan hoitah a kepbit diing. Block leh Unit teng in Cultural Uniform nei chiet diing; tualeh eima mimal in zong nei chiet diing hoi kisa hi.
(ii) UZO Office: UZO Mun diing lei a kisawm a,tuoh diing kilawm a hing kiguottte’n thanuomtah a tuoh chiet diing in UZO min in ka hing ngen hi.
(iii) Siengthounalam : Sienthouna lam ah pan halah a lah diing. Innkiim hasiengthou diing, Eehbuh Zuunbuh atuom a lam diing, kisilna atuom a nei diing mi mu a kisillou diing ahi.
(iv) Laisimna lam: Laisimna lam a pan halah alah diing; i gam a school umte etkai chiet diing. Naupang laisimte’n laisim khu naseppi pen ahilam thei diing ahi.
(v) Haichi leh Singnou : Haichi leh Singnou suon ha bawl diing. Sing khat i sat leh Singnou khat suon diing lungsim nei diing.
(vi) Gankhawina lam : Gankhawina lam a pan lah chiet diing. Aah, Voh, Bawng adg.
(vii) Zouta koipou in apien apat a khantan UZO office a piehchiet diing.

UZO Party sung ah General Election ka puong ahi: Tukum 1999 December chieng a, UZO Constitution dungzui in President, ZWC, Executive memberte, Block Executive memberte, leh Unit Executive memberte ahun (Term) a beoita diing ahijieh in Block Executive Memberte leh Unit Executive Memberte Octber leh November ha sung a election zawsieng diing in ka puong hi. Tualeh UZO General Assembly chieng a, UZO President leh ZWC memberte Election um diing in ka puongkia hi.

MLA

UZO pen MLA ah lawching zel lawchinglou zel bang jieh e? Eima-le-eima chiet kitheisiem chietvai. Leitung pumpi ah Election pen gam khantouna diing a vaihawmna sang pen ahijieh in kithupi ngai mama hi. MLA utseluo in laisiem khenkhat in ei Zoute’n MLA kineida leh kikhangtouzawva chi bang i um tham uhi.UZO in MLA nei teitei kisawm in kitum tham ahi chi Zou mipite’n theichietvai. Tualeh i Zou vote manphatah eima nam kivaipuohna UZO ma ah piehsawm teitei chietvai.

UZO Golden Jubilee

Ei naupanglamte suidanin UZO pen 1954 a kiphut dan in kimu hi. Hinanleh laibu khenkhat ah, 1948 kum in Zoute’n kivaihawmna khat neita chi ahi. Tualeh United Manipur Jou Organisation in Zoute kipuo uh hi chizel hi. Tuazou in UZO in hengtha uh kichi ahi. Tamte baan ah Zoute zong Manipur sung ah Zou District khat ana ngen in Memorandum zong Kumpi ah na pie uh chi hi. Tuajieh in General Assembly pen a kum 49 chinna ahi chi i pomdet thei ua, kumkia pen Golden Jubilee ahi in ka hing theisah hi. Pasian venna zal a, dam in kumkia General Assembly GOLDEN JUBILEE toh thu pitah a mangkhawm chiet diing in ka hing chiel hi.

Finance: UZO sung a Office maintenance-na a sum muna leh zahkhietna ah 25/4/98 apat 5/5/99 tan a muna lam ah Rs. 1,58,634.00 (Rupees one lakh fifty eight thousand six hundred thirty four) only ahia, Zahna lam ah, Rs. 1,54,518.00 (Rupees one lakh fifty four thousand five hundred eighteen) only ahi . Tualeh tu dinmun ah Office a diing a van poimawteng i neita ua, i van neite lah a apoimawteng tam anuoi a bang ahi :-

1) Iron Chair 35.
2) Cabinet Desk 8.
3) Typing Table 1
4) Facit Type Writer Medieum Range, Plastic Cover 1
5) Steel Almirah Rs. 45oo/ vel man 1
6) Ceiling fan 1
7) Flag 3
Emblem 1
9) Wall Clock 1
10) Office Signboard 1
11) Noticeboard 1
12) Gulloui vante gelna 1
13) Sakhilukhu 20
14) Khuong 1 leh adg. ahi.

Office maintainance hing na bawlsahte, Pu Lamboi, Pu S. Dalthang leh Pu Lianminthang ahia ua, amau Phamsa Pu Thangkhanlal Ex-President, UZO in April 24, 1998 nia Temporary appointment a nabawl ahi uhi. Amaute’n Office gin-umtah a maintain ang na bawlsah jieh un lungdam thu ka tut hi. Tualeh hateng in Office Clerk Paulian Rs. 1000/-, Office rent Rs. 400/- tunitan pieh zing ahi. Tuban sum-le-pai a i kitoudel theina diing in, general fundte i ngaipoimaw diing ua, headquarter a submit zel diing in ka hing ngen hi.

——————————————————————————

Executive Committee-9/11/99

Tam Committee thusai poimawdiehte

• Resolution No 4 ah UZO in MLA election a Official Candidate nei diing lemnasa hi.
• Resolution No.5 ah Official Candidate diing Secret ballot in teelna nei ahia anuoi bang in mithumte in vote mu uhi. Tuate:-

Pu Thangkhenkhup vote – 20
Pu Ginzamang vote -18
Pu Khamliankhup vote – 0

Pu Thangkhenkhup pen Official Candidate diing a teelching ahia, Assembly a tutou dia phasah ahi.

Executive Committee-30.12.99

Tam Committee thusai poimawdiehte

President Pu Thangkhenkhup in Assembly approval a lahzoulouleh, Primary Election um diing in lem akisa hi (Resoln. No. 5(3). Tambang a Promary election nei ahileh, asai diing in-

Pu T. Semkholun, Pu. T. Tongchinpao
Pu S. Kaikhankap, Pu M. Ginzasuan
Pu Dr.Michael Pu Francis Zamkhanthang
Pu M. Dominic Khammeng guot hi uhi.

——————————————————————

UZO SPECIAL ASSEMBLY | 11.01.2000

Executive Committee Resln. No 5(3) na bang in Pu Thangkhenkhup in Assembly ah approval a lazoutasih hi. Pu Thangkhenkhup President hina pompi vote 153 ahia, apomtheilou vote 156 apha hi. A zing ni 12/01/2000 nilai ni in Primary Election akibawl a tuanah-

Pu Thangkhenkhup in vote 311 lah 129 mu in Singngat A/C a UZO Official Candidate diing a teelching ahita hi. Pu Ginzamang in vote 114 a mu hi. Pu khamliankhup in Vote 78 a mu hi.

Executive Committee-5.4.2000

Resolution No 7 bang i Unit, Block leh General Election sai diing in, Election Commission anuoia bang in guot ana hi hi:

Pu Kaikhankap, Returning Officer
Pu Dr. Michael, Presiding Officer
Pu Francis Zamkhanthang, P/Officer
Pu Dominic Khammeng, Polling Officer
Pu John Zamkhomang, Polling Officer.

Executive Committee-6.10.2000

Zougaal Hall ah Meeting nei ahia, hun patna diing in Upa Chinkham in thumna nei hi. Member 32 peikhawm hi. Tam Committee thusai poimawte:

• Zou tate Mission/Denomination tuomtuom ki-um jieh in lungsim zong kipumkhat theilou ahijieh in mailam hun ah Mission/Denomination khat a umkhawm diing lem kisa hi (Resln. No.11)

Pu Hangkhanpao in UZO kithuoipina a dangka Rs. 10,000(Sangsawm) ang pieh pen ama tung ah UZO kipahmama hi (Resln.No.15).

——————————————————————

ZOU NAMPI THUMKHAWMNI (13-14.10.2000)

Thupi : “Zou Nampi kisia a thumkhawmna”

UZO guot bang a Pu Suankhanmang leh Pu T. Gouzalal in Zou Nampi thumkhawmna Vaiguon(Programme) ang bawl uh kipahpi ahi. Tamna thugen khat in Naikaal khat zel a gen uhi. Hunpatna Pu Thangchinsuan, General Secretary in a nei hi. Tam a nuoi a, Hattuom lamkaite’n thugenna anei uhi:

Rev. Awnkhankhup
Rev.Nengkhanmang
Rev. Khamchinhang,
Rev. Chinzamang,
Rev. Vungzalian,
Rev. Kamkhosoi,
Rev. Khamthang,
Rev. Nengzatun,
Rev. Khamzasuan,
Rev. Khaikhanthang,
Rev. Thangkhanmang,
Rev. Hangpi Manlun,
Rev. Kamminthang,
Rev. Khamchinkhai,
Rev. Dousuanthang,
Rev. Tualzachin,
Rev. Hangminthang,
Rev. Thangliankham,
Rev. Ginkhanmung
Pu T. Nehkhojang
Rev. Khaisuanmang

Pro-Pastor Nengkhothang baan ah Pu Hangkhanpao leh MEP Moderator, ZSP President, TSPP President, UZO President.

Executive Committee-1.12.2000

Member peikhawm 39 ahi.

Zou Literature Society saina in Kumpi School a Class IX tan a Zouhaam Subject khat a tawithei diing a, a umtahjieh in, Zou Literature Society (ZLS) tung ah Nampi min in kipahthu a kipuong hi (Resln. 6.)

Executive Committee-21.12.2000

Amun Zougaal Hall, Zouveng. Member peikhawm 39. Thungaituo poimawte:
T Moreh Unit in Moreh Block khat a siem diing a, a ngetna uh pompi ahi (Resln. No.1)

Executive Committee-28.2.2001

Zougaal Hall ah Meeting nei ahia, hunpatna diing in Pu Thangkhenkhup, President in thumna anei hi.

Member peikhawmte:

Pu Hangkhanpau, Secy. Imphal Block
Pu Haumang, Secy. Haupi Block
Pu Hangsuanthang, Secy. Lamka Block
Pu Tualzachin, President, Lamka Block
Pu Hauchinkap, EC member
Pu Jamzakham, President B/Block
Pu Vungzagin, EC Member
Pu Kamzadal, Member, ZWC
Pu Khaichinmang, EC Member
Pu Nungpau, President L/Block
Pu Khupkhanhau, Adviser
Pu Zamzagin, President, Imphal Block
Pu Khamkhanpau, President Ch/Block
Pu Ginkhothang, President S/Block
Pu Khupchinthang, President TL/Block
Pu Kapneithang, President ZSP
Pu Thangngaimang, EC Member
Pu Ginsuankhai, EC Member
Pu Enkhothang, Invitee
Pu Tutkhothang, Invitee
Pu Khuplianpau, V/Commander
Pu Thangkhenkhup, President UZO
Pu Ginzamang, Vice President UZO
Pu Goukhanthang, President T/Block
Pu T. Zampu, Sugnu
Pu Thangkhohang
Pu Lamboi
Pu Chinlunthang
Pu Vumchinkhup, EC Member
Pu K. Zou
Pu Liantungnung
Pu Thangchinsuan, Gen.Secretary UZO.

Committee Thusai poimawdiehte:

Singngat Assembly dated 26.4.1996 a Constitution 3rd Amendment, Executive ana ngansie pen, Assembly masang ngei a bawlzaw teitei diing a lemsah ahi. Singngat Assembly sebang a Draft kibawl leh a kaal lahlah a kibawlte leh Committee luite toh khawlsah phot ahia, anuoi a teng in hing enkaita uhen chia guottha ahi uhi.

Pu Thangchinsuan, Chairman
Pu T. Nehkhojang, Secretary
Pu Gengoukhup, Member
Pu T. Gouzalal, Member
Pu Hauchinkap, Member
Pu T. Semkholun, Member
Pu Hangsuanthang, Membera
Pu P. Chinzakhup, Member
Pu Tongchinpau, Member
Pu Kaikhankap, Member

Executive Committee-28-2-2001

Hunpat na diing in Pu Thangkhenkhup in thumna a nei hi.

Committee thusai poimawte:

UZO General Assembly-Cum-Golden Jubilee 26-4-2001 ni a nei diing tualeh annkuong umna jong umdiing a lemsah ahi.(Resolution No.1)

Executive Committee 23-4-2001

• UZO Golden Jubilee 26-4-2001 ni a um diing pen lemtaang louna a um jieh in ahun sontou ahi.(Resn. No.3)
• UZO Constitution Amenment May’01 a zawsieng diing tua zaw chieng a special Assembly programme guon tel diing a lemsah ahi.(Resn.No.4)

Executive Committee-5.5.2001

Committe patna diing in Pu (Upa) Suankhanmang in thumna a nei hi.

Tam Committee thusai poimawte:

Masang a Vice President ni (2) Executive Committee in ana umsahmawh pen deitalou in Vice President khat( 1) ma nei diing in lemsah ahi (Resln. No 2)

——————————————————————

SPECIAL ASSEMBLY 28.9.2001

Zougaal Hall ah Special Assembly nei ahia, hun patna diing in Upa Suankhanmang in thumna a nei hi. Member peikhawm 326 apha hi. Tam assembly ah Constitution 3rd Amendment, 2001 nielna umlou in pomkip ahita hi. Tualeh, Rev. Chinzathang, Executive Seretary, MGP in Constitution Siensuona a nei hi. Tam Constitution tunia kipat zah ahita hi.

Executive Committee-28.9.201

Meeting Zougaal Hall ah nei ahia, tam Committee in October, 2001 chieng a SpecialAssembly nei a, Election Commission member diing guon lemsah ahi (Resln. No.5).

——————————————————————

SPECIAL ASSEMBLY 17.10.2001

Upa Suankhanmang in thumna toh Assembly honna a nei hi. Tam Special Assembly a thukigen thupipen ahileh UZO Election diing thu ahi pen hi. Article 98 na dungzui in anuoiate Election Commission member diing in kiguong hi:

Pu Kaikhankap
Pu Dr. Michael (Lampu)
Pu Zamkhanthang
Pu Ginzasuan
Pu Nungpau in thumna nei in hunzaw ahita hi.

Executive Committee-21/11/01

Palai peikhawm 44 ahi.

Committee thusai poimawdiehte:

• Pu Thangkhenkhup, President UZO in 8/11/01 nia kitawpna lai a pieh leh Pu Thangchinsuan, General Secretary, UZO in 14/11/01 nia kitawpna lai a pieh khu Committee in pompieh ahi (Resln. No.1&2).
• Vice President Ginzamang in Acting President in puo a, Jt. Secy.Pu T. Nehkhojang in Acting General Secretary puo hi.
• UZO General Assembly-Cum-Election ni diing ngaituona a kinei a, Chinkham Modern High School, Zomi Colony lemsah ahia, lemlouna a umleh Tuibuong Community Hall hihen Chia lemsah ahi. Ani diing in 12/12/2001 diing a lemsah ahi (Resln. No.12/12/2001).

——————————————————————

GENERAL ASSEMBLY-Cum-ELECTION | 12/12/2001

Tuibuang Community Hall ah General Assembly General Assembly-Cum-Election nei ahia, Rev. T. Chinzathang, Executive Secretary, MGP in Assembly honna a nei hi. Lamkai poimaw anuoite in thugenna a nei uhi:

Pu S. Semkhopau, Ex-President UZO
Pu Khupkhanhau, Adviser UZO
Pu T. Gougin, Ex-President UZO
Pu Thangkhenkhup, Ex-President UZO
Pu Gengoukhup,

Mishi 34te suunna kinei hi. tamtezou in Election nei ahia, Candidate-te min leh a panmun uh leh vote muza uh anuoi a bang ahi:

President Candidate

Pu Hangkhanpao, vote muza 433 (elected)
Pu T. Gouzadou, vote muza 417

Vice President Candidate

Pu M. Suankhanmang, vote muza 450 (elected)
Pu Hauchinkap, vote muza 371

General Secretary Candidate

Pu T. Nehkhojang, vote muza 448 (elected)
Pu Khamliankhup, vote muza 390

Joint Secreatry Candidate

Pu Liansuankap, vote muza 440 (elected)
Pu Haumang, vote muza 303

Finance Secretary Candidate

Pu P.Vumchinkhup, vote muza 422 (elected)
Pu Khamchinzam, vote muza 379

Treasurer Candidate

Pu Tunsuanhang, vote muza 411 (elected)
Pu P. Chinzakhup, vote muza 301

V/Commander Candidate

Pu Khuplianpau, vote muza 453 (elected)
Pu Nehkhanthang, vote muza 343

Adviser Candidate

Pu Chinkham, vote muza 409 (elected)
Pu Semkhopau, vote muza 386 (elected)
Pu Nengchinmang, vote muza 355
Pu Zamkholian, vote muza 311

Executive Committee-19.1.2002

Zougaal Hall Zouveng ah Meeting nei ahi. Tam Committe ah Pu Dr. M. Lachinkhai, Chairman, Zou Literature Committee in Zou Lai taan(Class) Sawm tan a BSEM a MIL subject khat tawi diing (Zoulai X, Chinthu-Zaila leh Zouhamzahdan) suthei diing in a umta hi. Tualeh Pu Philip Thanglianmang leh Pu Lamkhothawng in ang sutpieh diing uh ahidan thutut ang bawl pen kipahpi ahi. Tuaban ah, Pu Hangkhanpao in Taan Kuo(9) a teng ang sutsah zong kipahpi ahi. Tam Laibu hing sutsah leh ang sutsah diingte kung ah Gelthaw ngel a kipahthu genna pieh hihen chia lemsah ahiban ah tuami na bawl diing in General Secretary angsie ahi(Resln. 4).

Tualeh tam Committee in Consitution Article 43 na President Powers & Functions dungzui a Pu T. Hangkhanpao, President UZO in UZO Adviser a, a guon Pu Thangchinsuan pen Committee in theipi ahi.

Executive Committee-10.5.2002

Pu Hangsuanthang in thumna nei in hun pat ahita hi. Member peikhawmte:

Pu Tunsuanhang
Pu P. Vumchinkhup
Pu Liansuankap
Pu Khupchinthang
Pu Goukhanthang
Pu Hangsuanthang
Pu Chisuanlam
Pu M. Zamzakham
Pu Thangkhochin
Pu Khuplianpau
Pu Chinzakhup
Pu Suankhanmang
Pu Haumang
Pu Hangkhanpau
Pu T. Nehkhojang
Pu Gengoukhup
Pu Upa Chinkham

Tam Committee thusai poimawte:

? UZO Golden Jubilee lopna diing toh kisai UZO khangthu hing suichien masa diing in Pu Thangchisuan, Pu Liansuankap leh Pu Vumchinkhup guot ahi ua, amaute’n hani sung in report hing pie uhen chia phsah ahi (Resln. 3).

Executive Committee-8.10.2002

Synod Hall, IB. Road, Lamka ah meeting nei ahia, Upa Chinkham, Adviser in thumna nei in hun pat ahi.

Member peikhawmte:

Pu T. Nehkhojang, Gen. Secretary
Pu P. Chinzakhup, Member, ZWC
Pu Upa Chinkham, Adviser
Pu S. Semkhopau, Adviser
Pu Thangchinsuan, Adviser
Pu Khupkhanhau, Member EC
Pu M. Adsholom
Pu Khuplianpau, V/Cmmander
Pu Zamzagin, President, Imphal Block
Pu Ngilzapau, President, Kailam Block
Pu Pausuanmang, Secy. Behiang Block
Pu Khupchinthang, Secy. Tuila Block
Pu Chinsuanlam, Secretary Imphal Block
Pu J.K. Taithul Secy. Kailamnuoi Block
Pu Zamkhothang, President Haupi Block
Pu Khamchinthang, Member EC
Pu Haumang Secretary, Haupi Block
Pu Goukhanthang Secy. Tuining Block
Pu T. Tuolzachin, President Lamka Block
Pu Hangsuanthang, Secy. LAmka Block
Pu Liansuankap, Joint Secretary
Pu Tunsuanhang, Treasurer
Pu P. Vumchinkhup, Finance Secretary
Pu Suankhanmang, Vice President
Pu Hangkhanpao, President

Thusai poimawte:

Executive member diing mi thum leh Department chin a lamkai diing guotna nei ahi. Tam anuoia bang in(Resln.1):

Executive Member:

Pu Thongzadou
Pu Hauchinkap
Pu Gengoukhup

Zou Cultural Committee:

Pu Khamchinzam, Chairman
Pu Lamboi, Secretary

Zougaal Memorial Shield Committee:

Pu Lianlal, Chairman
Pu Semkholal, Secretary

Zogaal Memorial Hall:

Pu Thangkhenkhup, Chairman
Pu Goukhomang, Secretary

Zomi Working Committee in i minam mabaan diing lunggel/guonggal ang nei pen Committee in phasahpi hi (Resln.2)

Zomi Council a UZO member list pieh diing phasah ahia, ZWC ngansie ahi (R/n. 4).

Executive Committee-15/11/2002

Zougaal Hall ah meeting nei ahia, Pu T. Nehkhojang, General Secretary in thumna nei in hun pan ahi. Member peikhawm 29 ahi. Tam Committee ah Pu T. Hangkhanpao, President in tam anuoiate a panmun chiet ua diing in gin-umna thuchiem neisah hi. Amaute:-

Pu P. Chinzakhup, Member ZWC
Pu Hauchinkap, -do-
Pu Upa Khamchinzam, Chairman, Zou Cultural Committee
Pu Dongzalam, Secretary, -do-
Pu Upa Nengchinmang, Chiarman,
Custom Committee
Pu Upa Nengkhenthang, Secy. Z/Zumpi
Pu Lianlal, Chiarman, Z/Shield Comtt.
Pu Semkholal, Secretary, -do-
Pu Thangkhenkhup, Chiarman, ZH.Comt
Pu Goukhomang, Secretary, -do-
Pu Thangchinsuan, Adviser, UZO
Pu Khamchinthang, Member EC.
Pu Chinsuanlam, Secy. Imphal Block.

• ZOMDA in Zougaal Hall bawlna diing a, Rs. 6,20, 00000 lut diing Project a guon uh kipahpi ahia, amaun hing bawzuizelta uhen chia phasah ahi (Resln.1)
• Auditorte in ang puohlut Audit statement/Balance sheet (6.11.200-1.12.2001) pom ahi (Resln.2).
• Executive Committee(8.10.2002) in Special Assembly nei diing a thupuasah a neisa pen, neinawnlou diing a phasah ahia, kumkia chieng a Annual Assembly nei diing a phasah ahi (Resln. 5).
• Information & Publicity Secretary diing in Pu Liantungnung guot ahi (Resln.9).

Executive Committee-11.2.2003

Zougaal Hall ah meeting nei ahia, Pu Upa S. Nengkhenthang in thumna nei in hun pat ahita hi. Committee thusai poimawte:

• Kisimpina (General Census) bawl diing in lemsah ahia, March 31, 2003 tan a zawsieng hihenlen, Unit chin in maw hingpuo uhen chia phasah ahi (Resln.2).
• Golden Jubilee Suong kigiel pen a kum adihloujieh in lahlou diing a phasah ahia, suonggieltu Pu T. Tuolzachin in a suong tangden in sumbatteng toh kithungta hen chia phasah ahi (Resln.10).

Executive Committee-10.4.2003

Synod Hall, Lamka ah meeting nei ahia, Pu Upa Nengkhenthang in thumna nei in hun pat ahi.

Committee thusai poimawdiehte:

T Zougaal Hall a Annual Assembly um diing khu Synod Hall a nei hizaw hen chia phasah ahi.

NEXT PAGE