General Assembly: Sangaikot 9-10 March, 1993

Sangaikot khuo a Assembly leh khodou nei ahia, Rev. Kamkhosoi B.th., BD. in Laisiengthou thupilte 14:34 sim in Pasian kung ah thumna nei hun honna anei hi. Palai 111 peikhawm hi.

President Order suo Order No.1/UZO-(GA)/89 Dt. 9-3-1993 na bang in Pu S. Kaikhankap, Pu T. Goukhomang leh Pu Gengoukhup Mate Assembly palai a sim ahi uhi.

Assembly nukhia pen leh tukikal a Zouta ang shisan mi 158te suunna nei ahi.
President in Address a bawlzou in mimal tamtahte in thusunna a nei hi.

Tam assembly thusai poimaw diehte :

• Zou Literature Society in Hattuom lamkaite toh Seminar on the need and use of Uniform spelling and wording chi thupi zang in Seminar khat hing bawlta uhen (Literature)
• Pawlpi apat a kum 6 sung nwkhiet a na umta Pu Kamzadou leh Pu T. Semkholun ngaidam a pawlpi alahlutkia hoi asahthu Pu Thangchinsuan, General Secretary in Innpi a ang puohlut President in zong lungdampi a innpi a ngaidam hoi hi. Gim-le-tawl tampi i thuohpite ahi ua, koi, khatvei lamhang tuonkhiellou umlou i pupate’n zong chi hiven chia a gen khu palaite’n lemsa in amautegel khu tuani apat ngaidam ahiat uhi (General Administration)
• Pawlpi a hing kipetha, Executive member lahthate pulahna nei ahi. Amaute :-

Pu P. Chinzakhup, Contractor
Pu Khupsuanpau, Chief of Kullian
Pu Lunchinthang, Chief of Muallum
Pu Khupkhanhau, Chief of Singngat
Pu Goukhanthang, Chief of S. Munhoi
Pu Nengchinmang, Chief of Tuining.

Pawlpi Office Bearerte hun (Term) beita ahiman in teeltha ahia, tam aneiate teelching ahi uhi:

Pu Thangkhanlal, President
Pu Thangkhenkhup, Vice President
Pu Thangchinsuan, General Secretary
Pu Hauchinthong, Joint Secreatry
Pu Amchinkam, Finance Secretary
Pu (Upa) Chinkham, Tresurer
Pu Tongchinneng, V/Commander
Pu Nangthang, Asst. V/Commander
Pu Vumchinkhup, chairman, Z.C/Club
Pu Dongzaalam, Secretary, Z.C.Club
Pu Liantungnung, Jt.Secy. Z.C. Club
Pu Pu P. Lamzadou, Adviser
Pu Huatkhai, Adviser

ZWC Member

Pu Kamzadal
Pu Ex-Sub. Tutkhothang.

Executive Cmommittee (EC) member

Pu P. Chinzakhup, Contractor
Pu Khupkhanhau, Chief of Singnagt
Pu Lunchinthang, Chief of Muallum
Pu Khupsuanpau, Chief of Kullian
Pu Nengchinmang, Chief of Tuining

Khodoupawi sungteng Pu S. Kaikhankap leh Pu T. Goukhomang vaisai in pang uhi. Hanlasah leh Dailam kidemna um hi.

Zinlien in Pu R.K. Dorendro, Chief Minister of Manipur hing pang hi. Ama hing zui zilmelpha dangte :

Pu V. Hangkhanlian, Minister, Vet.& A.H. Services
Pu Binoy Singh, Minister, I&FCD
Pu Ngamthang Haokip, MOS, Edn.
Pu T.N. Haokip, Hon’ble MLA
Pu N. Gouzagin, Ex-MP
Pu Kaikhuol, President, Gangte Tribes Union
Pu W.L. Hangshing, DC/CCP
Pu Pramod Asthami IPS. SP/CCP
Pu L.K.Haokip MPS., Co. Ist Bn. MR.
Pu Pradip Singh MPS. IGP, Manipur
Pu Thangzalam Haokip, Manager United Bank of India, Saikot.
Pu Jamsei Haokip, DTO/CCP
Chief Engineer PWD/Manipur
Pu M. Jitendra Singh, SE/PWD

Tam khjodoupawi pen Thusuosaiten hing hoi uopmama uhi.

Executive Committee-8-1-1994

Pu Thangkhanlal, President UZo inn Zouveng ah Meeting nei ahi.

Tam Meeting thusai poimawdiehte:

Zomi Namni Hilchetna : Burma (Myanmar) in Zaleenna amuzou in Singtang mite tung a Siekai (taxes) bei in Burma kumpi in a uh khum pen navah sa sengseng in tambang in la phuoh in na lawm uhi:

a- kum tulzaakuo sawmlisagi February ni sawmni ni, milunmang, Zomi namchin kaibang gawmna, kaibang gawmna hi e.

b- Kaibang kigawm Sim leh Mal Zomi u-le-nau, milunmang, pahbangtawivai, pahbangtawivai e.

Tam Zomi namni umdan Manipur ah akitheiha mama hi. UZO sung ah Gunpang Block in Saiboh khuo ah 20/2/1994 ni in Cup lopna leh Zomi Namni lopna athuona uah President Pu Thangkhanlal leh General Secretary, Pu Thangchinsuan leh lawi phabep in va uop ua, tam pen UZO sung a Zomi namni kiman masahna pen hinalai hi.

Manipur Singtanggam zousie Sixth Scheduled a kipuoh/ki-uh diing hoi kisa hi (R/No. 4)

Executive Committee-23-01-1995

Pu Nengchinmang, Chief of Tuining in Thumna nei in hunpat ahiatahi. Tam Meeting ah thudang lellou in MLA election chieng a Singngat A/C a pawlpi candidate diing in Pu Thangkhanlal hi diing in lemsah ahi. Tualeh 21/2/1995 in Manipur Legislative Assembly Election result puonkhiet ahia, Singngat A/C ah Pu Gouzadou vote 6327 mu in a kaita hi.

Executive Committee 24-3-1995

Imphal a President Pu Thangkhanlal umna ah Meeting nei ahi. Vangsiet huoitah in Dated 12/3/1995 leh 19/3/1995 in Pu Thangkhanlal, President, UZO teenna inn (ZouVeng) Hiangtam Machet Buolkot a siltung jieh in meltheilouten a hal uhi. Tam tungtaang a UZO leh ZRO lamkaina a kilemna Dt. 22/3/1995 nia na kibawl pen thuhoi, thupha deina toh in kipahpi ahi. Tuaban ah Kangsena Zoukhosuon ah i bawltheidandan a sekhawm diing in lemsah ahia, asai diing in anuoiateng guot ahi:

Pu P. Doukholun, Chairman
Pu Amchinkam, Secretary
Pu Lunkhoaneh, Treasurer
Pu P. Chinzakhup, Member
Pu Thangchinsuan, Member
Pu Khaizalam, Member
Pu Kapneithang, Member
Pu Liantungnung, Member.

Executive Meeting-17-4-1995

Hunpatna in Pu Khupkhanhau, Chief of Singngat in thumna a nei hi. Meeting patmasang in i it mama Pu Tongzapau, Chief of Behieng village, Ex- President Behieng Block in ang nuasietah jieh in ama suunna kinei hi.

Pu Lamzadou, Adviser
Pu Ginsuanhau, Invitee
Pu (Upa) Chinkham, Treasurer
Pu. Thongsuan-Secretary, S/Block
Pu. Ngulkhohen, Invitee
Pu. Chindal Exe. Member
Pu. P.K. Haupu, Invitee
Pu. Khamdal President, Singngat Block.
Pu. Nengthang Voluntier Commander
Pu. Sub. Tutkhothang, Exe. Member
Pu. Nengchinmang
Pu. Ginchin
Pu. Vumchinkhup, Zou Cultural Club
Pu. Thangchinpau.
Pu. P. Chinzakhup.
Pu. Amchinpau, Secretary, L.T. Block.
Pu. Dongkholun.
Pu. Hauchinkap, President, HP Block.
Pu. Amchinkam, F/Secretary
Pu. Kapneithang, President, ZSP
Pu. Lamboi, Secretary, Zou Cultural Club
Pu. Lunkhoneh, Secretary, Lamka Block
Pu. Hauzathang, President, LT
Pu. M. Lamboi, Secretary, Haupi Block
Pu. P. Lunchinthang
Pu. Enkhothang, President, G/Block
Pu. P. Vungzagin, President, T/Block
Pu. Thangkhanlal, President, UZO
Pu. Thangkhenkhup, V/President, UZO
Pu. Thangchinsuan, Gen. Secretary, UZO
Pu. Khupkhanhau.

Tam Committee thusai poimaw deute:

February, 1995 a MLA election a pawlpi lawsapna etkaina nei ahia, tam pen I pawl sung a mi gin-umlou, zuotat, lepchie leh Nampi itloute jieh ahi chia puon ahi. Tam toh kisai in Gunpan, Tuining leh Lamka Block vaipawte leptha pha sah ahi. Pu Zamgenthang, Secretary, Gunpang Block pawlpi kal a, ana panjieh in Secretary ahina apat tawpsah ahi.

Executive Commiitee-16.6.1995

Zougaal Hall ah meeting nei ahia, Pu Khupkhanhau, Chief of Singngat in thumna nei in hun pat ahita hi. Member 23 kipeikhawm hi. Vaihawmana pat masang in ang na shisanta Pu Hauchinthong, Joint Secretary, UZO leh Phamsa Pu Ngulkhohao Lhungdim, Ex- Minister suunna nei ahi.

Tam meeting ah pawldang khenkhat toh kitheisiemtuona nei diing dan thu ngaituona a kinei hi.

Executive Committee- 9.9.1995

Meeting patna diing in Rev Kamkhozam in thumna nei hi. Member 30 kipeikhawm hi.
Tam meeting thusai poimawdeute :

• Pawlpi in Emblem nei hileh china toh kisai a President in ang puohlut khu pompi ahi.
• Zou Tribe Indentity Card Sample Pu Thangkhanlal, President in ang luikhiet khu zong bawlkhiet diing a phasah ahi.
• Pawl tuomtuom in Zou sung a donsuh-dontou a nei uh pen khoh akisamama a, tambang bawlnawnlou diing a theisahna Press release suokhiet phasah ahi.
• T. Zougaal Ni (Zougaal Day) nei hoisah ahia, ang suichien diing in Pu T. Nehkhojang, angsie ahi.

T Pawlpi Daanpi (Constitution) Siemphatna (Amendment) bawl diing ahinatoh kisai in koipou in bawlphat diing a ahoi a sahna munte office a piehlut chieng a phasah ahi.

Exectutive Committee-19.3.1996

Pu T. Thongzadou, Col.(Retd) in thumna nei in hun pat ahi. Member peikhawamte:

Pu Thongzadou
Pu Hauchinkap
Pu Vumchinkhup
Pu Khamsuanpau
Pu P. Chinzakhup
Pu M. Hauthang
Pu Thangngaimang
Pu Amchinpau
Pu T. Gouzalal
Pu Dalthang
Pu Thongsuan
Pu Kamzadal
Pu Amchinkam
Pu Liantungnung
Pu Khaizalam
Pu Khaichinmang
Pu T. Nehkhojang
Pu Thangchinsuan
Pu Thangkhanlal

Tam Committee thusai poimawdiehte:

• Pu Thangkhanlal in Pasian zaal a, Pawlpi President kum 25 kizop zinzen a ang puohsah pen lungdampina thupuon bawl ahi. Ama khu midangte khosahna nei, ittah leh phaltah a nei-le-lam pe mi ahi. Vangsiet-tuohsiet tungtaang ah zong a Inn a kihaltum a zong ngaidamzoupa ahia, pawlpi in kipahpimama in a thuohgimnate zong theipi ahi.
• Pawlpi peidan ngaina in kumli ching naisih nanlezong General Assembly hat a President hen diing chi ngaidan khat ang umta jieh in date 25-26 April, 1996 chieng a Singngat khopi a General Assembly nei a Pawlpi kiteelna zong nei lemsah ahi (Vide Resln. 4).

Executive Committee-13.4.1996

Zougaal Hall ah meeting nei ahia, hun patna diing in Pu Suanpau in thumna nei hi. Chairman in Agenda lahkhawmana ang neizou ni vaihawmna pat ahi.

Committee thusai poimawdiehte:

?General Assembly chieng a Kiteelpina sai diing in:

Pu Kaikhankap, Chairman,
Pu T.C. Tungnung, Secretary
Pu Chinsuanhan leh
Pu Pual Zamkholun guot ahi uhi (Rn.2)

Daanpi (Constitution) Amendment Drafting Committee member diing in:

Pu T. Gouzalal, Pu Amchinkam,
Pu Kaikhankap, Pu Thanglianmang,
Pu Nehkhojang, Pu Thangchinsuan,
Pu T. C. Tungnung, Pu Semkholun,
Pu Khaizalam, Pu Vumchinkhup,
Pu Thangngaimang,
Pu Thongzadou, Col (Retd),
Rev. Kamzadou leh
Rev. H. Nengzatun guot ahi uh(Resln.3)

Zougal Hall bawlna dia M.P. Fund Dangka Lakh ni pen Lamka Block in sai in Head Office toh na kithuzah zingta uhen(Resln. 4).

——————————————————————

Singngat khopi ah General Assembly nei ahi. (25.4.1996)

Speaker : Pu Thangkhenkhup, Vice President
Secretary : Pu Thangchinsuan
Assisted by: Pu P. Suanhang.

Assembly Member 354 lah ah Member336 ah pang hi.

Vaiguon bang in UZO Lapi Semguo ginngai kisahzou in Rev. David K. Samte in Laisiengthou sim in thumna toh hun honna nei hi.

Speaker in Daanpi Article 32(3) IV dungzui a Member ni a guon- Pu Ginsuanhau leh Pu Hanglianpau khu member hithei a puohkhietna nei hi.

Pu Thangkhanlal,President in Assembly address abawl hi. Gelsa copy hawamkhiet ahi.

Pu Thangchinsuan, General Secretary in a word of Appreciation to Pu Thangkhanlal chi Innpi ah Speaker phalna toh pawlut hi. Tuapen “Pu Thangkhanlal in kum 25 vingveng President ang puohsahna tung ah kipahpina i puong hi” chi ahi. Ama’n “President toh suh-le-tou a biel a tawtna ua genthei-hasat leh kipah-um sil tampi a ka tuoh uhi” chi’n a genbelap a, tamte chiemte ahi hi. Tam hunzou in i Pawlpi sung a tunitan a hing na shisantate suunna nei ahi.

Question Hour

Pu Dalthang in Innpi a Sum-lepai muna leh zahnate luikhiet a, a umlou thu a dong hi.

Pu Suankhanmang dohna khu tambang a hilchet ahi:- I pawlpi min pen United Zomi Organisation ahia, United Zou Organisation hilou hi chi in.

Pu Goumang, Chief of Tonzang in “Kiteen, kikhen hun a bang diing a i Daan (Custom) i zahlou e?” chi in innpi ah dohna bawl hi.

Pu Hauthang, Lentaang Block President thudoh khu Pu Amchinkam, Finance Secretary in “Nang submit ni mama ua Treasurer a ka submit pai ahita” chi in dawng hi.

Pu Thangzakhup in “Pawlpi sung a Fund Re.1/- lutna leh pawtna tan innpi in a thei diing ahi” chi hi.

Pu Gouzalal in “Fund peloute min Assmebly chieng in Notice Board ah tahkhiet hileh” chi hi.

Pu Ginsuan in ZNC in pawlpi sung a sum ang dawn thu uh dohna a nei hi.
Pu Thangzakhup in “February 20 ni khu Holiday hi diing in kumpi ah nget thei hilou amah?” chi hi.

Pu Nengkhenthang, Chief of Zabellei in “Zougaal Hall bawlna diing aa dangka lakh ni kimu khu bang chikizahe/” chi in dohna siem hi.

Pu Thangngaimang in “Zougaal Cemetry nei diing thu bangtan kitutta e?” chi in innpi dong hi.

Introduction of Bills

Pu Negkhojang, Secretary Zou Literature Society in “Zougaal Day diing in March 17 ahidiing ahi, ajieh pen tami nia Zougaal kipan ahi” chi in innpi ah tut hi.

Pu Philip Thanglienmang in a bawl Zoulai Geldan chi laibu khu Pu Thangkhanlal, Chairman ZLS in honna/Siensuona nei hi.

Pu Amchinkam, Joint Secretary in UZO Emblem leh Flag diing sample innpi ah pawlut hi.

Pu Thangkhanlal in Bill ni:-

(i) Constitution (3rd Amendment) Bill 1996 leh
(ii) Zou Zumpi Bill-1996 innpi ah pawlut hi.

Private Bill

Pu Thangchinsuan, General Secretary in Unau Thangkhalte toh kigawmkiana diing pawlut hi.

Pu S.K. Munluoin sum-le-pai pawlpi in neila vetvawt chithu a puohnat thu a gen baan ah ngaituo diing in innpi ah pawlut hi.

Adopted Resolutions

Pu Thangkhanlal in Kum 25 vingveng Presideng ang puohsahna tung a kipahpina thu Chiemtee(Recorded) ahi.

Zou Fund : Pasal innsuon ah Rs. 20/- tualeh Meithai innsuonna ah Rs. 5/- don diing. Tami lah ah Unit Fund diing Rs. 5/-, Block fund diing Rs. 5/- aumnalai Rs. 10/- Head office a submit diing chia phasah ahi.

March 17 khu Zougaal kipatnia pom ahijieh in Zougaal Day a pom lemsah ahi.

Constitution (3rd Amendment), 1996 leh Zou Zumpi Bill, 1996 khu Executive Committee a koi lemsah ahi.

Joint Secretary in ang puohlut Emblem leh Flag khu pom ahia, hilehzong Executive in ahoizaw sem diing in na enkaita uhen chia phasah ahi.

Manipur Singtaanggam Indian Constitution a Sixth scheduled a ki-uhna diing Centre Kumpi a phut touzel lemsah ahi.

Thangkhal chia kiminvaw unaute toh kigawmkiana diing hing sai diing in Pu Thangchinsuan, Pu Thangngaimang, Pu Vumchinkhup leh Pu Gouzalal ngansie ahi uhi.

Zougaal Cemetry thu zong Executive khut a koi ahi.

May 7 ni a um diing M.P. Election a pawlpi support diing thu zong Executive a koi ahi.

Pawlpi kiteelna

Election Commmissioner(s):
Pu Kaikhankap, Sub. Registral, Chairman.
Pu Philip Thangllienmang, B.E. Secretary
Pu T. C. Tungnung, B.A., B.T. P/Officer,
Pu Paul Zamkholun, Sub-Registral,P/Officer
Pu P. Chinsuanhang B.A., Polling Officer

Teelchingte

Pu Thangkhanlal, President
Pu Thangkhenkhup, Vice President (Uncontest)
Pu Thangchinsuan, General Secretary
Pu Khuplian, V/Commader (Uncontest)

Presidential Address- Pu Thangkhanlal
(True Copy)

Pu Speaker leh Zatat-huoi Memberte,

1. Pasian in ma hing puitouzel in, theikhamkham a i na kipui hunsung uzong kum 25 bang hing chingta a, Silver Jubilee chi a lawm pawl bang i umta uhi. Tami hunsung in gawlzawna tampi zong i tuoh ua, guollelna tampi zong i na tuoh uhi. Pawlpi (Party) mi muonhuoi tampi zong solna nangzoulou a pua zong i tam ua, gim-le-tawl toh Pawlpi min a na thuoh muolsuo tampi zong i um veve uhi.

2. Zatat-huoi memberte, bawl diing, sep diing tampite taisan a, i minam vaihawmna ngaipoimaw a, tunia tana na hing peikhawm jieh un atha in chibai ka hing pesawnsawn hi.

3. Gen kiakia diingleh mang a zong matkia diing a zong deihuoilou hinapi, ningkum election i kaizoulou ban uah, ka teenna inn ngeingei nivei zen kibuhaltumna thu ah a haltute leh Churachandpur Policete mawsah ahi. I unau PNC tung ah ngaidan a kipie a, bangma dawnna mu ahisih hi. Kumpi ah zong a thu a kitut a, bangma hituom sih hi. Koima tung ah a kihasesih a, a kithangpai tuonsih- pum ngaidam ahia, a thu manghil maidiing ahita hi.

4. Tulai Leituntg a hoi nawnsih chi i thei chiet uhi. Chi-le-nam kihubit tuom hun ahita hi. Muonna leh bitna I dei ua, innsah, innhang toh kituohtah um i ut gige uhi. Hichibang kaal a sum-le-pai deinate jieh e, kisimmawnate jieh e? Zou sung ah thagum a sum dong pawl a um gige a, numei naupang lung a suthawng hi. Thupi, thupha a kidei jieh in kamsiem toh a kihakhe zel in, Press release bang a kibawl zel hi.

5. Pawlpi in koima Pawlpi tup-le-ngimte ah dalna himhim a kinei sih a, kikum zong a kitum sih hi. Tuanahsang in, sim leh mal Zoutate kigawm hun diing kingahla hi. Tuabang kaal ah i unau tampite in Chikhat Nam khat i hi uh chi ang kitheikhiet uh kipahpi huoimama hi.

6. Bangteng hileh tulaitah a i kipuohna chiet uh kizatuosah chiet in, Pawlpi khat leh Pawlpi khat kisupport tuohna diing deina in MPJC (Multi-Party Joint Committee) a na kizop a, memberte ahileh- Paite National Council, Vaiphei Nationa Organisation, Gangte Tribe Union, Simte National Council, Mizo People’s Council. Tedim Chin Union, United Zomi Organisation ahi hi. Nam khat in nam dang khat sung a sum donlou diing chi thupi a nei in press releasete kibawl zel hi.

7. Ana umsa Autonomous Councilte in Singtaangmite humbiotzoulou ahiman in, Sixth Scheduled toh ki-uhna Manipur Singtaanggamte ah Centre Kumpi in pekin diing a phuttou zel ahi.

8. Lamka khopi a Zougaal Hall khat bawlkhiet a kitum a, sum hasatna jieh in a tangtungthei sih. Vangphat huoitah in in Pu Meijinglung Kamson, Minister of State (Home) Govt. of India in tunai in sum Lakh 23 in ang panpi a, a bawldan diing Lamka Blockte khut ah a kipekhie hi.

9. Kum peisate a i na tup uh Zougaal Cemetry khat nei kisawm pen a mun diing in Singngat, Tangpijol leh Behieng Hausate in gam pieh a ut chiet uhi. Sum hasat jiehma in pan kilatheinailou hi.

10. Kum tampi i na tup uh Imphal All India Radio Station a Zou Programme um diing ngetna thu ah tunitan in kinepna tha khat Minister Pu P.A. Sangma in ang pie a, Lok Sabha election zouzou chieng in Order ka suo diing chi in New Delhi ah UZO palaite ana thuchiem hi.

11. Pasian la, Bible leh laigielmite in geldan kibang khat a nei theina uh deina in Zou Literature Society in seminar khat nei kisawm hi. Kumpi in Rs. 3500.00 sanction ang pie hi. Tualeh Total Literacy Campaign ah zong ZLS in pan kilamama hi.

12. Hun sawtlou sung in India pumpi ah kiteelna um diing chi i thei uhi. Democracy leh Sakho zaleenna ngaisangmite i vote diing uhi.

13. Atawpna pen ah, mite diing in bangpi hisihleizong, eima-le-eima sung kivaihawmna ah kingohtuohnate a na um gige hi. Khumte heisung a hing kipan ahei i chileh, eima sung a um Pawlpi apat a na gamla mite a kipan ahi chilei i khiel khol sihvai. Khumbang kingohtuohnate a beina diing in i biel pumpi ah Pawlpi Kiteelna (Election) puon ahia, Block leh Unit teng (Chandel District loungal) a kizouta hi. Amaute in Headquarter vaihawmna tan ah pan ang la diing uh. Kiteelna result apat in tubaan UZO sung ah kituohna sem apieng diing chi kinepna lienpi i nei uhi.

UZO DAMSAWT HEN

PU THANGKHANLAL PRESIDENTIAL SILVER JUBILEE (30.1.1970-1996)

Pu Thangkhanlal khu Singngat UZO Assembly ah UZO President hina Pu P. Lunkap baan ah pang hi. Kum 1970 December 9-30 sungteng Kailamnuoi biel a tuohsuoh a, a gam leh mipite toh kimu leh kitheisiemtuona a nei masa pen hi.

Tuachi’n gam-le-nam a diing in na sem touzel in MDC, Demand Committee Secretary in apang a, mu zong a mungal uhi. MDC Election hing umpai in Singngat biel ah Pu Kamzadou UZO support in ching a, i gam ah noptuomna tampi um hi.

Sepai hatlai in VVF zong na phutkhie in hasatna tampi umlezong noptuomna tampi hing tut hi. MLA a hi sungte in Saang (School) 19, Dispensary 10, Tuinehna mun leh Kawlphemei leh adg. tampi semkhie hi. Hinanleh mipite’n a kepdan i theisih uhi.

UZO sung zong a hunhun in Kiteelna peitouzel in, ama mama kaitouzel hi. A puohsung in gensietna, bawlsietna tuomtuom a tuoh ban ah, a teenna inn ngel zong nipansa a kihaltumsah a, a nei-a-lamteng kangtumsieng in, a kangtumlou teng zong kigumang sieng hi. Hasatnateng sielguothuoh in a thuoh mielmuol hi. Tuabang a, atung a silse bawlte UZO Assembly mai ah ngaidamna mipi/innpimai ah pezou nalai hi.

Gam leh nam diing in Singtum-Suongtum zah in a kizang a, sum-le-pai itlou in a pang hi. Ama Talent neite khu itna leh thuohhatna ahi.

Kum 1995 kumbullai in UZO Executive Committee in hoitah a ama Silver Jubilee lop diing chia ngaisut ahilai in, buoina tuomtuom ang um hi. Hoitah in leh deibangtah in peithei sih nanleh, Pu Nengchinmang, Tuining Hausapa in date 7.12.95 ni in a loppieh hi. Buolkot Hausa Pu Thangchinkham in zong date 6.2.96 ni in a lawm kia a, Hiangtam (V) khuo ah date 27.3.96 ni in lop ahikia hi. Aliveina ah UZO Assembly toh kituoh in Singngat Block in date 7/12/1996 ni in a lawm uhi. Pu Khupkhanhau, Singngat Hausa in Dielap (Flag) khaikhietna a neizou, Pu Thangkhenkhup, Vice President, UZO in Jubilee suong honna a neilaitah in Thau lawng 25 kikap duldul a Zougaal lai a Singngat Kul a Mangkaangte toh kidoulai a, Pu Suakkam a shilai hun hileh kilawm lieng hi.

Jubilee Hall sung ah kipahpina van tuomtuom piehna um a, Pu Thangkhanlal, President leh A zi Pi Chingkhokim liengkou tung ah Puondum a Puondum pen Bahseleeng ma bang in phahphah a sah hi. Munpi hausapu in Pu lal Vaphuolgie tuonsah hi.

Jubilee in i pu-pate hunlai a thansuo a ensah hi. Taang-ai, Sa-ai, Songlai phut, a damsawtte’n tusawn mu, tusawn ni, sawn thum mu, chia kidemnate toh kibang hi. Nitah in Lamkai lasah thanuom khollouteng innlam ah pei uhi. Khuo ang miel panta a, Lentuol ah Khuong mun ni ah aging a, nupi, papi, nungah leh tangval pawlkhatte zong avagal-et diing a dappei vakhiante zong lamnalipi sung ah dienglutta uhi. Nupi khenkhat a ha (Teeth) umtamtaloute zong a aw uh Bahleengthe bang in ngainalai in, a aw uh zong zanhah, amau zong zanhah, anopdan koima’n genseng sihva.

Pu Thangkhanlal, President ang kaikia toh kiton in mailam hun ah, abeisa hun sang a hoitah a ma hingkai pieh diing in mipite’n kinepna lienpi nei hi.

Pu Thangkhanlal in i nam, UZO sung a President a teerm kizomtou diedeu a, (1970-1996 ) tunitan President hing puohsah a ang makai na ah, mipite leh ama kikaal ah itna, ngainatna leh kitheisiemna a umjieh ahia, tambang a gam leh nam it a Silver Jubilee valzen pawdiing koima umkia diing in zong gintat a umnawnsih hi.

Executive Committee-28/6/1996

Pu Thangkhenkhup inn Zouveng ah meeting nei ahia, hun patna diing in Upa Chinkham in thumna nei hi.

Tam meeting a pang memberte:

Pu Haumang, Pu Vumchinkhup
Pu Amchinkam, Pu S. Dalthang
Pu T. Gouzalal, Pu Thongzadou
Pu Nengchinmang, Pu Tutkhothang
Pu T. Nehkhojang, Pu Sianzadong
Pu P. Chinzakhup, Pu T. Nengzagin
Pu T. Hauzathang, Pu Khaichinmang
Pu Amchipau, Pu Demzaneh, Visitor
Pu Lamboi, Pu Khupsuanpau
Pu Thangkhenkhup leh Pu Thangkhanlal

Meeting thusai poimaw deute:

Singnagat Assembly a vaipawdiing kiteelmanlouteng teelna/guotna nei ahi.
Amaute-

Pu T. Nehkhojang, Joint Secretary
Pu Thongdou, Finance Secretary
Pu P. Chinzakhup, Tresurer

Executive member diing in mi thum guotbe ahia, amaute :-

Pu Chinkham, Chief of Zomi Colony
Pu Khupsuanpau, Chief of Kullian
Pu Nengchinmang, Chief of Tuining.

Development honbe ahia, tam anuoia bang a guot ahi:

Pu Lamboi, Secy. Culture & Custom
Pu Thangngaimang, Secy. Infn.& Pub.
Pu Khaichinmang, Secretary, Statistician & Census
Pu Amchinkam, Secretary, Literature
Pu Khamliankhup, Secy,.Youth Affairs
Pu Kamchinthang, Secy,.Development.

Singnat Assembly in a teelchingte leh tunia kiteelteng in Rev. Goulian mai/khut ah kichiemna ala uhi.

Zou khosuon/sung a sum-le-pai pawl tuomtuom in a donzing pen uh deilouna Press release suokhiet lemsah ahia, a copy MPJC ah pieh phasah ahi.

Executive Committee-13.8.1996

Meeting patna diing in Pu T. Nehkhojang in thumna nei hi. Member peikhawmte:

Pu Thangkhanlal Pu Thangkhenkhup
Pu Thangchinsuan Pu T. Nehkhojang
Pu Khupkhanhau Pu Tutkhothang
Pu Khuplianpau Pu S. Dalthang
Pu L. Khamliankhup Pu Thanghaupau
Pu Mangsuanpau Pu S. Lianminthang
Pu Thangngaimang Pu T. Gouzalal
Pu Amchinkam Pu Khaichinmang

Tam meeting in a sai thupi khenkhatte:

Pu Amchinkam in guot ahina- Secretary, Literature pomlou in kitawpna lai Executive Committee ah a, a pieh jieh in, Executive Commiittee in Home Department honbelap in tuami khu Pu Amchinkam in Secretary Home hina puohen chi in Committee in guot kia hi.

Departmental Secretary-te leh Adviser ni Pu Khupkhanhau, Chief of Singngat leh Pu Tutkhothang in President Pu Thangkhanlal khut ah gin-umna thuchiem nei uhi.

——————————————————————

THANGKHAL PEOPLE ORGANISATION PIENGKHIE

Nidanglai, i pu leh pate hun a kipat a, giehkhawm, teengkhawm, nekhawm-dawnkhwm, innsah-innhang, tu-le-ta, u-le-nau, pi leh pu a na ki-umkhawm hinapi, khang kiluplet in bangteng dei leh ngai i tadieimah? Biehnalam hi in Politics lam hitaleh, i lung a nopmaw simleh pawltuom-paituom sat diing ma a thupi pen in i ngaituo ua, khumi’n kituohlouna leh khanmawboh i lah ah a siem paipai a, adahuoi mama hi.

Tuachi’n TPO chia lunglut pawlkhat in Ist TPO Meeting dated 23/9/1978 ni in Pu S Lianzakap inn, Singngat ah a nei uhi. Tualai a Executive member tamte ahi uhi:

Pu Tunzachin, Zoumun, Chairman.
Pu Thongchinkhai, Singngat,
Vice Chiarman.
Pu T. Khupkhenpau, T. Khajang,
General Secretary
Pu S. Laangchinmang, Muallum,
Finance Secretary

Amaute lamkaina in TPO General Assembly leh Election thuo diing in M. Tanglian khuo ah dated 15-17 January, 1979 nia diing in Programme bangkim leh Siel khat (1) gaw diing in khaukhisa in um hi.

Siel kihasah

Dated 13/1/1979 zaanlai in naupang ummaw pawlkhat in Siel a vahasahtalaizang uhi. Amau uh lunggel khu zou kihichiet a “Thangkhal” atuom a, apawtdoh diing pen naupang ahihang un nuomsalou hiva uh. Siel pen a zingni in mukia uhi. Tuachi in Assembly leh Election nei in anuoiate teelching ahi uhi:

Pu Khuphenpau, Ngoiphai, President
Pu Thongchinkhai, Singngat,
Vice President
Pu Khupsuankham, Tuining,
General Secretary
Pu Thangkhanmang, Khuangmun, Joint Secretary
Pu Genchinkhup, Tuibuang, Treasurer
Pu Laangchinmang, Muallum, FSecy.
Pu T. Khupkhenpau, Khajang, Speaker.

UZO Ki-ngaw

Naupangte Siel hakhiet pen TPO in UZO ngawdenkei in, thu khat-la khat a kigenleh nou UZO siel hate a chi uhi. Tam thu a hoitheina diing in UZO General Assembly, Singngat Resolution No 8 Dated 26-4-1996 na ah lemna thugen theithei a gen diing i n a nuoiate muongtah a ngansie ahi hi.

Pu Thangchinsuan, Gen.Secretary
Pu Thangngaimang Secy. Inf. & Pub.
Pu Vumchinkhup, Chairman, Z.C. Club
Pu T. Gouzalal, President, L/Block.

——————————————————————

TPO leh UZO Kikaal thu-30.10.1996

Akingansie UZo memberte saina in dated 3.10.1996 ni’n, Tuibuang Hausapa Pu Paominlien inn ah TPO leh UZO member poimaw deuteng in Joint Meeting a nei ua, anuoiate pang uhi:

Pu Thongzadou, Finance Secretry, UZO
Pu Thangchinsuan, Gen. Secretary, UZO
Pu Thangkhanmang, President, TPO
Pu T. Thangkhanmang, TPO
Pu Hauchinkap, UZO
Pu P. Chinzakhup, Treasurer, UZO
Pu Thangchinkhai, TPO
Pu Douzakap, UZO
Pu Nengkhankap, TPO
Pu Ginzahau, TPO
Pu B. Khupchinmang, TPO
Pu Amkhanthang, TPO
Pu Khuplianpau, V/Comdr., UZO
Pu Thangngaimang, Secy. Inf.& Pub.
Pu Thangkhanlal, President UZO
Pu Amchinkam, Secretary Home, UZO
Pu Vumchinkhup, Chairman, Z.C. Club
Pu Thangkhanlam, Gen. Secretary, TPO
Pu Khamminkhup Asst. Secretary, TPO
Pu T. Gouzalal, UZO
Pu T. Chinminlian, President TSP

Atung a peikhawm memberte in tam meeting Chairman leh Secretary diing in Pu T. Gouzalal leh Pu Khamminkhup guong uhi. Pu Thangkhanmang, President TPO in thumna nei in hun pat ahi.

Thupuasahte:

TPO leh UZo kikaal a, kitheisiemlouna a na umteng member peikhawmte’n sawtpi a genkhawmnua un, tuni dated 30.10.1996 nia kipat in kitheisiemlouna a umnawntasih diing chi in lemsa uhi. Tami pen 1997 February 20 Zomi Namni chieng a, TPO leh UZO in Joint a mankhawm a, mipi thei a puonkhiet diing in lem kisa hi. Tualeh tam thu pen TPO in General Assembly ah Agenda khat in a nei diing a, Zomi namni mankhawmna mun diing zong a guong diing uhi. UZO toh Programme bawlkhawm diing in mi li guong pai diing uhi.

Tunia kipat in Thangkhal kichiteng in- Identity Card leh Tribe Certificate Zou a ala chiet diing ua phasah ahi.

Tam atung a thuteng khu UZO lam saina a Pu Paominlien, Tuibuang Hausapa inn a annkuong imkhawmna akinei nia thukiphasahte ahia, Pu T. Gouzalal in thumna nei in meeting suhtawp ahiat hi.

Emergency Meeting-9.3.1997

Pu Thangkhenkhup inn, Zouveng ah Emergency Meeting nei ahi. Chairman umlou jieh in President in Chair a luo hi. Hun patna diing in Pu Thongdou in Pasian kung ah thumna nei hi.

Tam meeting thusaite:

• UZO SpecialAssembly date 15.3.97 ni chieng a Pu Chinkham Modern High School, Zomi Colony, Lamka a nei diing a lemsah ahi.
• MLA By-election Singngat A/C a hing um diing ah, UZo in a guon Candidate penpen support bawl diing in, lungsim kibahpi Pawlpi tuomtuom sui diing phasah ahi.
• UZO sung mi MLA Candidate utte’n Rs. 2000/- leh kingetna lai UZO General Secretary kung ah March 15, 1997 tan a pieh diing a phasah ahi.
• MLA By-election a um in umsihta zong in Special Assembly pen nei veve diing phasah ahi.
• Zou Nampi Kisiani SpecialAssembly chieng a genkhawm diing a phasah ahi.

NEXT PAGE