Chairman Laikung pa’n
ZOMI NAM NI HING PIEN DAN
Shillong khopi a Zomi Nam Ni a khatveina lawm thei dinga hing mapui Pasian i phat ahi. Shillong a um Zo suon, Zomi te ZNN chibai!
Zomi Nam Ni i chi a meaning tuam deu in let lei “The day our flesh, soul, heart and whole body are filled with the fragrance of Zomism” chi ahi. Zomi gim nam pum a Zomi Nam Ni lawm dingin michin iki chiel ahi.
Kum 1948, February 20 ni’n Zomi Nam Ni ana pieng hi. Tua masang in Chin Hills Regulation Act, 1896 toh Lushai Hills, Manipur gam singtang teng, tua Nagaland gam teng, tu-a Sagaing Division sunga um Sommra Hill teng leh Mizoram tawdop lam a Cacha-Chakma gamteng vai hawm in ana um hi. Chin Hills Regulation Act ahileh feudalism kichi kumpi ngeina toh ki vaihawmna chi khat ahi.
Kum 1948, Janaury 4, jingmawng nai 4.20 in Burma in suotatna ngah hi. Tua hun in Burma President masa Sao Shwe Thaike in Falam gam vehna va nei. Tua hun in Zomi Nam buppi kikhopna ana nei pi ua Pu Thang Za Kai (Subidar) lamkai in “Kumpi ngeina bei hen, Zogam a zong mipi vaihawmna um hen” chi’a ana ngetna uh pompia in ana um hi. Tua chi’n February 20, 1948 ni pen Zomi buppi guolzawhni, Zomite suotatna ni ahiman in Zomi Nam Ni chi’n ana minvaw uhi. Lam khat ah kumpi ngeina piengsah The Chin Hills Regulation Act shini ana suo hi. Tua chi’n Chin Special Division Act ana siemkhie ua, kumpi ngeina hinawnlou in mipi thaneina toh vai ana kihawm uhi.
Bang chi dan in Shillong ah?
Zomi Council in tukum Imphal leh Delhi a Zomi Nam Ni zah ding chi circulation a bawl uh Chairman pu’n mukha ahiman in bang zieh a Shillong a um lou ding chi dohna bawl hi. Shillong a a initiative la ding umlou ahiman a ki sawmlou ahi chi dawnna mu hi. Tuatah in Chaiman pu’n Lamka a um nalai Shillong Zomi student organisation lamkai khen khatte kihoupi in fund muna ding lampi a um leh bawl ding chi’n kithukim ua, tuachi’n Chairman pu’n lampi hing sui in Zomi Council apat Rs. 1 lakh sanction hing mu thei ahiman in hitan chieng ki tung thei hi. Shillong ah Zo suon, Zomite’n interaction ki tasam ahi man in ki poimaw ngai tinten hi. I nam ni mang chiet di’n aw le i kisah!
~ T. Zamlunmang Zou
Chairman
64th Zomi Nam Ni Celebration Committee, Shillong
Related posts:
- 64th Zomi Nam Ni, Shillong in pan nasatah in la
- Lamka ah 2nd Zomi Nam Ni Football Tournament kipan
- Imphal, Delhi leh Shillong ah Zomi Nam Ni zah hiding
- BANGALORE A ZOU PRESBYTERIAN CHURCH HING PIEN KHIEHDAN LEH HONNA REPORT TOMKIM
- Mihing Susetu Tep-le-Muom leh Zu a kipat Kiven diing dan
- ZSP Delhi Study Forum hing pien dan
- Mihing Susetu Tep-le-Muom leh Zu a kipat Kiven diing dan
- Mihing Susetu Tep-le-Muom leh Zu a kipat Kiven diing dan
- ZOMI NAM NI HONG PIANKHIATNA TANGTHU
- 60th ZOMI NAM NI DIAMOND JUBILEE CELEBRATION 2008
