- Mangpu Samte
Khat veivei ka ummuan lunggel ah, igam sung Politics hui lan dan mangbat huai kasah na umte lah ah tuni’n themkhat hing kum nuam ing.Politics I chi gen dan tuom ciat ahi na ah,kei hing gen ding dan jong kei mu dan leh ka thei dan dung jui a kang gen ding ahi.Theisiam maw!!! Politics I chi ciang in Gam bup ahiei gam beu sung khat sung a teng mite Ne-leh-ta Sui na toh kisai a kivaihawm na khu politics ka chi suh mai hi.Tuomi ahi tah leh, kawh tuom nei bang deu in Singngat Constituency kang Focuss deu ding hi.Singngat Constituency khu eite khop lou I unau nam dang ten zong ZOU te Constituency chi’a ang theipi leh ang kam-keh pi uh khat ahi hi.Tuazieh ma jong ahi ding a, Election ang um phot2 leh, I ding khawm ciat sauh sauh ua I ke khom valiai jel uhi. Anua ciang in aliam abai toh iki teh jeng jung nalai set uhi.Ina tuah sate ua pat zil khiet ding tampi um hi(???). “…..an experienced people change the situation according to them ”chi lah ahi ngal a…….!
Ahi’n, I louma bang ua ina ki hamuanpi uh Singngat Constituency pen Pucca patta or Dag chitha neilou ana kihi khinkhien hi. I gam kumpi’n a ut hun hun ciang a Khas land a ang phuan sah thei ana hi koi hi. Mi’n bon Khua umlou a Job Card angaitua thei uh leh en jong Singngat Constituency Pacca Patta I sua ding uh khu mawpua na khat in kathei hi.Tuomi na ding in Ei leh iki chil meh phot uh jong hing ngai mathei ding ahi.UZO Functionaries te’n Biometric Census Registration na lah vel ah bang tan pan a nala ta vuai?; Tabang te ahi nam a dia ingredient poimaw, a dang le umlai!! Democracy gam ah lah Popullation in thu a pua ngal a maw! MLA ding ut na zieh meimei a Singdang a vaki angtan sah seng na in Term khat khel hing pui galkai lou ding ahi.Inn guo maw gam gua masa ding??? Singngat Constituency Election Result Chronology en tha kia lei,ina chin(elected/win)zaw lou uh hun jong um tham hi. Ahi’n tua hun te jong khu I Right’s bang tah ua Vote ina khiet thei lou zieh uh jong chuh ana hi thou sam hi. Zouta luona gam zuun ding mi kikhiem lou chi na in la phot mei vai Ijaw! Ahisih leh I minam lamkai te’n Prior Set-up Policy anei lou zieh uh leh Zou Integrity um lou zieh ahi zaw diai??? Adih tah in, 2007 MLA Election census leh 2010 MDC Election Electoral Roll dung jui in Singngat Constituency Total Vote 24000 plus lah ah ZOU Vote 8000 plus chauh ahi zieh in Majority kihi lou in Single Largest ki hi giap hi. Election hun ciang Self-Styled local government sepai te’n thu hing nei thei jel lai ding ua maw! I ten na khua te uh lah dai bang dap in va bang I len san sieng phial nalai ta uhi. Sanggam aw, gim ing chi’a ki tawldua den thei I hi nai sih hi. I lou ma uh hasua khongkhong ding hita hai !!!
Singngat Constituency nana chuh,eima dan a I koi uh ahi ngei ding a. Sum nei ta p hot in din sawm peipei. Khenkhat in lah,nei leh lam top na ding a mit suan jel. BA ki chi Government Service mu jou lou ta phot lah koi PA in ka pang thei diai chi’a buai pi ma a buai. A neu a lian shisan a Politics beh den hi leh ki lawm……! Politics ah kibual sih vai kachi na ahi tuan sih. Amabou,MLA hi ut na zieh mei2 a politics sai ding khu tulai I gam politics pei dan toh aki bah non lou zieh ahi.Tualeh,Constituency khat a Nam khat chauh teng ahi lou zieh in jong MLA pen Nam khat puah ut na ding a van zat dan khat a zah ahi theinon sih ding hi.I gam I nam puah ding a I tun doh pa/nu ten zong tuni tan in bang a sem doh phuat vuai? Pilvan haui!!! Eite’n Manipur government sum leh pai toh I gam sung puah ding I buai pi lai un I ziat I vei a I unau ten I gam puah na ding in bang lampi a sial sawm vuai chi te jong ngai tua thei ta lei a hoi ding hi. MLA sese lou a jong Ipil Isiamna,inei I lam leh I tha I zung toh jong I gam I nam a ding sep thei na lampi um tham hi.
A tawp na ding in,politics I sai vang lah ding uh leh, mi lungsim siangthou High level a Matong thei ding khop hial a chit na neite ma ot dan thei ta lei a hoi ding.Tualeh Gam leh nam a ding a pha tuam lou a I thei te uh jong ning khin ding dan jong thei ta lei mai lam hun ah I minam a di’n dam na leh khantou na hiding in gin tat huai hi. ‘pilna in I gam zingvai hawm sah tavai’.
Related posts:
- 60 Singngat AC sung a hausa ten meeting nei; Hangkhanpao gup thu puang
- Singngat Vengnuam in 1st Rising Day lawm
- Waka Waka – Mission Singngat Assembly Constituency!
- ZPC Bangalore honna toh kisai a lungdam tutna
- HAM LEH PAU KEPBITNA
- KORUPSON
- Singngat A/C & delimitation
- ZSPDB SPORTS MEET ETLAWH NA
- Zou Custom leh Sangnaupangte
- HAM LEH PAU KEPBITNA
