CCPUR, July 9, 2011: Zani sun dar 11:30 khan Autonomous District Council (ADC), CCPur –a MDCs hai chun Council Hall-ah meeting an nei. ADC members hai chun Ms Mannuamching,MCS, Executive Director, DRDA, CCPur kuoma ditsakna puonsen an inhlan. Hi zo hin Ms Mannuamching, ED, DRDA chun thuhrilna neiin DRDA ngirhmun le Fund um dan hai puonglangna a nei. Hi zo hin Pu Langkhanpau Guite, Chairman, ADC, CCPur inrawinain The 12th 5 Year Plan 2012-2017, thu, DRDA le inzawm le SSA hnuoia School Management Committee thu hai \hangin thu pawimaw tum tum hriltlangna an nei.
Hienglaizing hin zanikhan ADC, CCPur hnuoia Independent MDCs pahni Khawlmun Constituency a inthawka MDC dinga thlangtling Pu Khaipao Haokip le Sangaikot constituency MDC Pu Tongkai Baite hai chun zanikhan ADC, CCPur rorelna cheltu Congress Party an zawm. Hieng MDC pahni Congress zawm thar hai hi zanikhan Congress MDCs han lawmlutna thingpui dawnpuina an nei.
YMA Lamka Branch in 55th Anniversary
CCPUR: Young Mizo Association (YMA) Lamka Branch chun zani sun dar 11 khan Lamka Central School Compound sunga an pawl indin kum 55 tlingna 55th Anniversary lawmna a nei. Hi huna hin YMA Lamka Branch sunga Unit tum tum a inthawk nunghak le tlangval han hnam lam inruolsiekna an nei a. Lengkhawm hla sak inruolsiekna baka insukhlimna chi tum tum an nei.
~ Hmasawnna Thar |
