New Delhi, May 28, 2011: Delhi a zatoute ki check-up sah dia United Zou Organisation General Headquarter President Pu Ginsuanhau hing haw chi thei ahi ziehin admin pu’n kam khat kam ni ki houpi nuom ahiman in a tunna mun ah May 27 ni’n va nai a, hun sawtlou houlimna hun va zang uhi. Houlimna pumpi hilou, mipi thei di’a kilawm khat khat ahileh:
UZO lamkai na hi tunglai a MLA lunglut lou dan a thu gen chin a tua bang zieh a MLA kiteelna teet dia hing kisa kia phut na hia le chi’a dohna pen Pu Ginsuanhau in “a dih na hi, ahi’n i nam leh gam ka en kuol lele a, sep ding bawl ding leh solkal apat hamphatna tampi umte zahlou a um te ka mu in ka lungsim ah vangphat thu in MLA ki ching ta leh nna tampi sep thei um ding ahi na toh MLA teet pen poima in ka thei hi. Eima mimal neisa toh bang teng bawl sawm nanlei, bang ma tan tung joulou ahiman in solkal toh pankhawm poimaw hi in kang mu doh a, tua zieh a hing kisa tha ma ka hi” chi hi.
Zou sungah mi khat mai hilou, mi dang in zong MLA teet sawm ahiman in bang ngaidan na nei ei chi’a doh ahina ah ama’n “concensus candidate nei thei lei dei huai mama hi, hinanleh tua bang a pieng thei lou hiel ta le zong, a kai pen pen kei ma MLA ahi chia pom dan i siem mei uh ngai va” chi hi.
UZO in concensus candidate nei thei hilou amah chia akidoh lai in Pu Hau in “tua pen bawl nuam lei bawl theima ahi, ahi’n tua bang pen ki bawl nai tadi lou phot hi, past experience apat zil thei tampi um hi” chi’n gen hi.
Candidate dangte toh kisai ngaidan a kupna ah “mipite pen kei a, nang a, kou a chia koima’n khen tuom neilou ding a ut dan gen hi”
Related posts:
- Pu Ginsuanhau Interviewna – retrived
- UZO apat phalna kila masa ahi…
- Maban ah kiphinna chituom deu in aw le i bawl uh!
- School leh social organisation kikal
- UZO in Education policy implementation abawl, thuop ngai
- ZSP Delhi Branch Executive Committee meeting resolutions
- Zo motion album leh mp3 online i poimaw……..!
- Interview with Silvya Lhingnunmawi | Manipur Zou MIL Topper
- Interview with Miss ZSP Golden Jubilee
- PDS: Mautam douna diinga long term measurement
