LAMKA, May 16 : Zomi Youth Assn(ZYA) Gen. Hq. makaih in zan, May 15, 2011 sunnung dak 1:00 in Obadiah School, Bethel Veng(New Lamka) ah ZYA Bethel Veng unit honna neih in om hi. Huai hun ah, Herbert T.Sumpu, President ZYA Gen HQ Unit thak honna nei in H.Mangchinkhup, EM/ADC in Chief Guest hihna toh uap in Kapkhanmuan, President ZSF in functional president hihna toh uap hi.
Unit thak honna hun a Chief Guest in a thu genna ah, Bethel Veng sung a om pawl tuam tuam, YVA, YPA, CYA leh a dang dang te kikhaikhom theih na ding a kiphuh khia, ZYA ahihna ah, hiai tung tawn a veng sung a kituahna leh ki iit sem na ban ah, gam sung a muanna leh bitna a om ngei a deih thu gen hi. Hiai hun sung mah in election neih in om a, huai ah, ZYA Bethel Veng unit, 2011-2013 sung President hihna len ding in, H.Pauzalal tel ching ua, ban ah, Hangginlian, H.Minpi, V.Thianlal, Lunlal leh Liahzachin Tangpua te, Vice President, Secretary, Asst. Secy. Fincnce Secy leh Treasurer ding in tel ching in om uhi. Tel ching a om ten kichiam na aneih uh dungzui in Pastor N.Vumsong in thumsak nei ngal hi.
~ Lamka.net
