MDC-hai Power le hlaw ding chungthu July 26, 2010 nia Cabinet meeting-ah hriltlang le sukfel ning a tih – Phungzathang Tonsing

CCPUR, July 25, 2010: Zani 11AM khan Pu Phungzathang Tonsing, Minister (Power, Hort., & SC, Science & Technology) chun Siamsinpawlpi General Headquarter in Ngathal khuoa SSPP Residential School Building an bawl chu khuollien ni pumin a hawng. Hi huna hin Ms Jacintha Lazarus, IAS, DC, CCPur chu Special Guest in a thang a, Western Block-a Boy’s Hostel hawngna a nei a, Eastern Block-a Girl’s Hostel chu, Lalthanglun Guite, President, SSPP General Headquarters in hawngna a nei. SSPP Residential School Building bawlna ding hin kum 2009- 10 MSDP Fund-a inthawk Rs. 15 lakh sangsawn a nih.

Ms. Jacintha Lazarus chun SSPP sin thawna le hmalaknahai chu entawntlak khawpa tha ani dan le MSDP Funda building bawla umhai laia chu SSPP Residential building hi a thatak a la nih, tiin thurilna a nei huna a hril. DC, CCPur chun inthuruol taka sin thawtlang pei a nuom thu le hi School-a kai naufahrahai chu fak le dawn, sil le bil chau ni lova thiemna thlungpui indiktak pe dingin hi School enkawltuhai a ngen.

Hi hunser hmangna huna Pu Phungzathang Tonsing, in thuhrilna a neinaa chun, SSPP Residential School-a kai students 500 velhai chu Admission le thlatin fee (monthly tuition fee) a thlawn vawnga thaw pek anni thu le hiengang School pakhat indin belsa a la ni ding thu a hril. Thanlon Sub-Division -a Sinzawl khuah Zomihai ta dingin Model School hawng ani ta a, Hmarhai ta dingin Rengkai le Kukihai ta dingin Tuibuongah Model School hawng dingin sawrkar thlungpui kuoma ngenna ka siem tah. July 26, 2010 zantieng dar 5 a inthawk khin Manipur Chief Minister, Pu O.Ibobi Singh inrawina hnuoia Cabinet meeting nei ning a ta, hi huna hin MDChai kuoma Power pek dan ding thu le an hlaw ding thu hriltlang le sukfel ni nghal a tih. Manipur a MDC-hai khawm Autonomous District Council (ADC) 6th Schedule hnuoia um han Power an nei ang char power pek ning an tih, tiin Pu Phungzathang Tonsing chun a hril.

MHJU Press Club hmuna Thingkak phun

CCPUR, July 25, 2010: Zani zing dar 10:30 k han MHJU Press Club bawlna din g hmuna thingkak phun a nih. Hi thingkak Power Minister Phungzathang Tonsing in thingkak a phun. phun naa hin Power Minister, Pu P hungzathang Tonsing, Ms Jacintha Lazarus, IAS, DC, CCPur, P u Lang khanpau Guite, Chairman, ADC, CCP ur; Pi Mannuamching, MCS, SDO, CCPur le MDC then khat thangin thin gkak pakhat seng an phun tawl. Zani zingkar ma khan Headquarters Veng mipuiin MNREGS hnuoiah Chiengkon Vadung kama thingkak an phun a, D C, Churachandpur le S DO, CCPur han an thin gkak ph un hi a hm una an hang en.

~ Hmasawnna Thar

Print PDF