Pu Sesei Zou, Chairman, Chandel ADC

42nd Moreh Copnstituency ah Pu Lunkhosei Zou @ Sesei Zou 2010 in MDC hingkai in tuaban ah Chandel District a di’n MDC Chairman tanpha hing hizou tou peh hi. Zou khangthu a dia, Chandel Dist. a MDC lawching masahna hinalai a, tuamai hilou in Chairman tanpha dinmun tanna masah pen ahinalai hi. Pu Sesei Zou in Chandel District a dia Zou Khangthu a thei zing ding in History ana bawl khe ta hi. Pu Lunkhosei Zou @ Sesei Zou khu (L) Pu Thongmang leh (L) Pi Lamneikim tapa ahi, 15th Dec, 1967 in Choro Khunou Village, Ukhrul District ah pieng a, a alungdei mel hoi mama (azi) Pi Lamnieng toh tu-le-tu in Moreh Ward No. 3 ah khosa uhi.

MDC Chandel District Chairman di’a amin a’ng kiphuonkhiet phet in Zogam Thusuo in ama maituo a kihoulimpi ding sawm a, Pu Chinsuanlam, UZO GHQ, Information Secy. panlahna toh Phaipi tuollam delsuh vungvung a Hotel Imphal si-le-nang in kimupi thei khongkhong uhi.

Zogam Thusuo : Pu Sei, nang toh tomkhat houlim lei ka chie alem thei diei?
Pu Sesei Zou : Lemthei e, hing tou aw, bang chilei nang chita a?

Zogam Thusuo : Hun bichil toh apoint ma ah lutpei biatbuat mai lei, amasan MDC lawching a nang umpen hing kipahpi mama ung. Ahileh, MDC candidate khat nahina toh Social nasep nalunglut china himai in, ahileh, Khotang a nahina leh panmunte nang hil/gen thei diei?
Pu Sesei Zou : President UZO Moreh Block, President United Labours Syndicate, Finance Secy, Hill Tribe Council Mohre, Finance, Secy. MELC Moreh ahi. A kum le aha vang kagen chien thei nawn sih hi. Ka file phen ngai va..

Zogam Thusuo : MDC un-contest a telching a na um moh pen thupi mama, mi aut- tamzalai a nang bang chi leh un-contest a hing ching thei moh ne?
Pu Sesei Zou : ADC Delimitation ding ang kigen ging lai a Constituency 2 ang kibe na ding a keizong nasatah a kana lah zieh in lamkaite leh mipi deisahna lientah katang a tuazieh a tam bang a hing um kha kahi.

Zogam Thusuo : MDC Chairman hina dawl in, na District sung/na gam/nami-nasate na bang chi puophat sawm ei?
Pu Sesei Zou : District sung a backward village tengteng modern village suo ding. Tu-le-tu a NH No. 39 a Economic Blockade um in igam nasah tah in subuoi mama a, tuazieh in Moreh line pen kingahna kham leh thupi zaw sem a puophat ding lunggel masa in kanei hi.

Zogam Thusuo : I nam/igam politics dinmun namu dan nang hilthei diei?
Pu Sesei Zou : Nam politics dinmun niam tuon nawnlou in ahi’n namsung kithutuohna aum lou zieh in lamkai tute ding in nasep ha sa mama hi.

Zogam Thusuo : Tualeh Education lampang la, napuo phat sawm ei?
Pu Sesei Zou : Nahpi tah in puophat sawm mama ing, Junior Section Govt. School (class – VIII) tan chieng ding a power ang kipieh dungzui in hoitah in puophat ka sawm hi.

Zogam Thusuo : Na hinkhuo a kipahna genthamching/nalungsim tawng khoikha ichie diei, nang hil thei diei?
Pu Sesei Zou : Kipahna pen hau mama hi’ng a, Oh! Chandel Dist a MDC Chairman kangkai ni kathei in kakipah mama hi, tuami himai va eh!

Zogam Thusuo : Ahileh! damsung a kipahna pen MDC Chairman ahileh natup (goal) tung mawngmawng ata veh maw.. ha..ha…ha… (kinuikhawm zuazua)

Print PDF