Lamka, March 8, 2010: Khugadam gal, tuolpimun phama deu a Behna Zou khuo ngei a Ziltawpni nitahlang nai 2 vel a gam kaang in  Behna khuo zopmat tou in in 5 kangtum chithu kiza hi. Innkang neitute ahileh Nengkhanhau s/o Thangchin,  Lamlal s/o Ngulkholam, Lunching w/o (L) Ngamgin, Suankhup s/o Mangchinkhup leh  Thulkhojang s/o (L) Onhau ahi uhi.  Tam in kang thu Lamka Police Station tut ua, Rs. 3 lakhs vel man kangtum dia tuut uh hi’n report uhi. Lamka Block ZYO President Pu ML Thanghau in ang theisah dan in Lamka Block sung a ZYO Unit umteng in panpina ki phaldan dan in tuni leh jing (March 8&9) dong khawm ding ua, March 10 chiengin Zoveng a Pu Neithang Inn ah kaikhawm in March 11 chiengin amun ah vahawm ding uh chithu kizaw hi.

Lamka khopi ah February ha sung in gari 71 kibelap

Lamka Post a report kimu dan in District Transport Office, CCpur ah February 2010 sung in gari tha 71 registration kibawl hi. Gari lei thah tuamtuamte ahileh Truck 5, Paupu’ Auto 6, Jeep 2, Bike 18, Car 4,  Scooter 7 leh Activa 29 ahi. Tualou in February 2010 sung ma in DTO/CCpur in gari toh kisai in siah  (tax) Rs. 2,16,809/- mukhia a, April 2009 to February 2010 sung a teng Rs. 35,77,083/- pha hi.

Print PDF