Office of the
UNITED ZOU ORGANISATION, DELHI UNIT
48, Delhi Govt. Officers Flats, Near A-48 Kailash Colony,
Greater Kailash-I, New Delhi

NGETNA (APPEAL)

December 19, 2009 ni’a UZO Delhi Unit meeting masa kineina ah Zogal Memorial Complex Hall Project toh kisai a Delhi leh NCR a umte’n zong pan theina chieta pang ding deina ziehin Ngetna (Appeal) lai (letter) hawm dingin pha ana kisa hi.

I theisa mabangun, Zogal kichi pen 1917-1919 kum sungtenga I pu I pate’n Britishte a na douna uh, theizingna galpi khat ahi. Tuachi’n, I nampi in March (Doupi ha) ni 17 ni tam Zogal Ni (Zogal Day) in a melchi zingta hi. Nampi khat hi ngala, khawlkhawmna leh toukhawmna pikhat neilou tangaiphamaw (aloutheilou) ahiziehin, UZO in Project lienpi khat in ningkum in a na pankheta hi.

Hinanleh, Pasian in mipite thumna sangin tutung UZO lamkaite’n nasep masah pen a, a’ng neina tung u’ah I kiletsahpi uh hitham louin Zou mimal chin in kithanoppi chiet hi. Mimal khat mai in Nampi gougil khat, mimal a, a puophat ding kidei lou ahiman in, Zou mimal milip chin in tuothei sun teng, a sing a suong hitave’n, tehlei, guo, cement, sing khat chiet tuo hihen china toh michin tunga kingap dandan a don dingin I zungpite leh I bulpite lemsahna banga hingki vaihawm ahizaw hi.

Zogal Hall ahileh Lamka khopi leh akimvel a Community Hall um masa pawl laha khat ahiban ah amin nei pen khat a thei ahi. Tam banga gou giltah leh min ngaitah I nei uh Zogal Hall ahileh michin lungtang ah siemphat nuomna umma nanleh pan hingla tahtah a um theilou ziehin kum nempi puophat lou in mite nuisan in ana um hi.

Tua ahiman in nang zong I Zogal Memorial Hall lamna ah bangza in na pang diei? chipen nangma sie leh pha theina ah kinga liulieu hi. Koima tanchi a kiphut ahi sih a, hinanleh I nam a di’a I ki thang-alpi i Zogal Hall lam ding I hi zawbou uhi.

Taza in pang vang na chi zaza tam aneia I lamkaite kungah ana pieh or theisah ta’n.

1. Pu Philip Thanglienmang, President, UZO Delhi – 9818177401
2. Pu John Zamkhomang, Vive President, UZO Delhi – 9899980621
3. Pu Hauliankap, Gen. Secretary, UZO Delhi – 9910659923
4. Pu Zamlunmang, Asstt. Secretary, UZO Delhi – 9990671987
5. Pu Ginsanglian, Secy Organisation – UZO Delhi – 9711539127
6. Pu Khamchinpau Zou, Treasurer – UZO Delhi – 9871205247
7. Pu SK Mung, Secy. Finance, UZO Delhi – 9873827168

I nam leh I gam adingin aw le, pangkhawm vaui, pankhawm khu hatna ahi!

Naseppi uh;

Pu Hauliankap
Gen. Secretary, UZO Delhi

Dated/New Delhi | 05th March 2010

Note: India pulang a umten zong Delhite tungtawn a contribution bawl thei ahi.

Print PDF