Leitung mun tuomtuom aa om Zota it leh ngai sanggam teng, Zo Christian Association of Malaysia a min tawh kang khutsa uh hi.

Malaysia gam sung ah Zo tate a op zaw, kum ang sawt simsim ta aa, tuni dong ma leh mailam hun sawt sim khatma zong a kiom laai ding ci peen, i mu thei uh hi. Picinna tampi bangma gencing i nei lo uh hang in, MZO ahizong in, MZCC ahizong in, na ding zo aa, bangma bawllo te sang in peen, bangkhat i hi veve uh hi ci kimu thei hi.

Malaysia Zo Christian Centre (MZCC) peen, Rev. Kham Khen Pau (Sie Paupu) (tun USA ah tungzo) makaina tawh a na kipan thei-a, hun khat sung ma na kipei suoh hi. Rev. Kham Khen Pau USA a pei zaw tahcieng in, vai zosie Rev. Kham Hau Zam na ap kia aa, kipanpi na tawm, leh hamsatna tuomtuom zieh in, MZCC a na kizom zo tasih hi.

Malaysia, Kuala Lumpur khuopi sung ah a om Zo Pawlpi te pumkhat aa a op thei kia nading deina tawh, 15/ 12/ 2009 ni in Kepong veeng, Victoria Bethel Church ah Kuala Lumpur khuopi, veeng tuomtuom aa om Zo Pawlpi (6) te in kimutuona leh kikupton na nei uh hi. Tuapan in, thuhoi vive kigeel thei ahi man in, 19/12/2009 ni in, Kepong Wangsa Permai veeng, Zo Christian Fellowship Pawlpi biehinn ah a (2) vei na, Zo Pawlpi te kikupton na kinei kia in, tuasung ah, “Zo Christian Association of Malaysia” ci min tawh Zo Pawlpi teng pumkhat in kiding ton ta hi. Tam ZCAM a din zaw a sawt lo ma in, nua lam kipawlton ding meeting kinei lai-a ang kihal zo nai pah lo ahi, Subang “Grace Assembly Zo Christian Fellowship” zong ang kipawlton ta aa, tua ahiman in, tuin ZCAM sung ah Pawlpi (7) a pha ta hi.

Zo Christian Association of Malaysia ii member Pawlpi teng:

1. Chin Christian Fellowship, Taipan
2. Grace Assembly Zo Christian Fellowship (Subang)
3. Zo Christian Worship Centre (Pandan Indah)
4. Malaysia Refugee Assemblies of God (Kepong Central)
5. Victoria Bethel Church (Kepong, Wangsa Permai)
6. Zo Christian Fellowship, Kepong (Kepong, Wangsa Permai)
7. Chin Catholic Community of Malaysia, Kepong

Zo Christian Association of Malaysia Makaipi teng:

1. President: Rev. Daniel Thang Lien Kham (VBC, Kepong)
2. Vice- President: James Hang Kho Mang (ZCF, Kepong)
3. Secretary: Pastor Thang Khup Khai (CCF, Taipan)
4. Assistant Secretary: Upa Kham Suon Lien (CCCM, Kepong)
5. Treasurer: Upa Kham Suon Pau (ZCWC, Pandan Indah)
6. Accountant: Pastor Cin Kho Khai (GAZCF, Subang)
7. Member: Pastor Thang Do Mang (MRAG – Kepong Central)

Tammi Email Account peen, ZCAM EC 1/2010 in a kipsah sa ZCAM Official Email account ahi hi. Mailam ah, ZCAM tawh kizop nading te khatpopo, tam Email Account pan in nang kizop thei uhhi ci zong ang thei sah ung.

Akisapna bang in, ZCAM in nasepnate ahizong in, thuthang khat popo ahizong
in, ZCAM min tawh ang pulaah, ang taangko ding cieng in tam Email pan in ang taangko ding hi. Tualo, mimal thu taangkonate peen, ZCAM in tavuon la lo ding hi.

Malaysia gam sung ah Zo tate a op sangsie, khat leh khat kihuoi, kipanpi in, na i septon thei nading in, tam ZCAM in nasepna te ang nei toto ding-a, akoimapo in zong nei panpi ciet ding uh kang thum uh hi.

Khazih sung ah na nasep pi uh,

Pastor Thang Khup Khai
Secretary
Zo Christian Association of Malaysia

Print PDF