- Samuel Samte

ZSP 2009 Fresher Meet cum Conference man anopna theng man nailou in, I vai upaten sawtkuamtah a ana lunggul gige uh, Delhi Zoton man ding ang geen simsim un- mipi alian-aneu hing thalopsahin, hing kipasah mama hi. Midang/namdangte bang a organization/development fund kiching a nei ihi loujiah un, lamkaite adiah a hih programme jatna ding a Sub-Commtt te vaisai dan leh amau mimal kipiahjaw daan thupi a, patat huai mama uhi. A feldan uleh akipiahjaw dan uh pen a gendingdan jong hahsa mama a, Paupu in genleh “kichaivawt” achite hi ding hi.

Zoton ichi chiang un, mimal khat le nii kilungtua a sai ahisih a, geographical area khat a Zou umteng kituahna (solidarity) etsahna/ tahtatna ahia, tuamin mipi leh keima ngel-ngel hing thalawpsah in naki liansah pha mama ing. Tuni’n I sung uah bangthu bangla umkha taseleh- tambang a vaithupi leh vailian isai napen inam a dia maa taalna khat ahia, gualjaw etsahna jong ahi.

Zoton thupi- Pasian kung a thuphatoina leh kisiansuana Kumkhat bang peisa hunin, tambang programme mandih lunggulna naki neita a, adiahin Pa Hauliankap in hibang a hunjat dih na lunggul tawntung in a ngaidan leh a tupdan mipite kung ah na share jeel jeel hi.

Hun hing peitou in, Delhi sung ah Zou milip kipung deu deu in, tunhun chiangin Govt. sepna bang a regular simphial in hing ki mu sau sau in, Pasian thupha nastahin kitang hi. Tualeh khotang hinkhua ah jong nasatah a kikhelthana hing um in, neh le dawn(zu le sa) leh hindan inteen ah itheilou kaal un naki khangtou mama hi. Tamte joisia pen, mihing hoina leh siamna a itan mawh hilou in, I hoiloupen leh I chitlou hun pen a jong hing na don a, hing na pui gige, Israelte Pasian eite Pasian hi ichilou theisih uhi. Tuajiahin hunpeisa te a ibawlkhial-tahkhialte ama kung a thupha toi in, tamtan gimumtah a ang puitou jiah a kipathu tun ding hi hai.

Aw hing un, Zoton sim di’n
Kapu-kapa lungkhat lamtang kaina;
Ningju toh niangleh tai in,
Lungkhat a luangin, lawm uh ZOTON, ZOTON!!

Nun in nuam e, Zoton meel a mu in,
Sian hawm siam in dawnbang kituah hai e..
Nunbang nuam in lamtang kai pantai e..
Seiniam-seisang zatan lambang pah vai!

“Cont…. Aw Pasian, koute hingna iitjing leh khual jing, tuni’n namai ah lungkituahin hing kuun ung! Hunpeisate ah na deiloulam bawlin zu leh sa ne in khophohlou in kana um ua, nanleh nahoina leh na thupha in nang nusia ngaisih hi. Tu’n, lungkituahin namai ah thupha hingtoi ung, kiniamkhiat in, a saantah Zoton hing hi ta hen! Israel te na puikhiat bangin kou Zou tate jong gualnung a tham den mailou a, gualtungtuang di’n hing siam ta’n, tung Sianmang aw!!”

Print PDF